Бугун, 28 февраль куни Англия Премьер-лигасининг 28-тури бешта қизиқарли баҳс билан давом этади. Қуйида ушбу ўйинларнинг анонси ва жамоалардаги ҳолат билан танишинг:
"БОРНМУТ" — "САНДЕРЛЕНД" | 17:30
"Борнмут"нинг Премьер-лигадаги мағлубиятсиз серияси 7 та ўйинга етди (4 ғалаба, 3 дуранг) — фақат "Манчестер Юнайтед"да бу кўрсаткич яхшироқ. "Сандерленд" эса охирги уч ўйинда имкониятни бой берди. Шунга қарамай, "қора мушуклар" "Борнмут" меҳмони бўлган охирги тўрт ўйиннинг учтасида ғалаба қозонишган.
Таркибдаги йўқотишлар: "Борнмут" сафида Хулио Солер, Бен Доак ва Жастин Клюйверт йўқ. "Сандерленд"да эса Рейнилду Мандава ва Брайан Бробби каби футболчиларнинг ҳолати сўроқ остида.
"БЁРНЛИ" — "БРЕНТФОРД" | 20:00
"Бёрнли" ўз уйидаги охирги 34 ўйиннинг фақат 4 тасида ғалаба қозонган. "Брентфорд" эса аксинча, сафардаги охирги беш ўйиннинг тўрттасида зафар қучди.
Таркибдаги йўқотишлар: "Бёрнли"да Аксель Туанзебе, Армандо Бройя ва Майк Тресор каби кўплаб ўйинчилар жароҳатланган. Меҳмонларда эса Фабиу Карвалью жамоага ёрдам бера олмайди.
"ЛИВЕРПУЛЬ" — "ВЕСТ ХЭМ" | 20:00
Арне Слот шогирдлари ўтган мавсум бошидаги каби кетма-кет учта ўйинда гол ўтказмасдан ғалаба қозонишлари мумкин. "Вест Хэм" эса сўнгги олти ўйинда 11 очко жамғариб, анча жонланиб қолган.
Таркибдаги йўқотишлар: "Ливерпуль" юлдузи Флориан Вирцнинг белида муаммо бор, Александер Исак ҳамон сафда йўқ, аммо Джереми Фримпонг қайтди. "Вест Хэм"да Фредди Поттс дисквалификация қилинган.
"НЬЮКАСЛ" — "ЭВЕРТОН" | 20:00
23-турдан бери ҳеч бир жамоа "Ньюкасл"чалик кўп мағлубиятга учрамади (4 та). "Эвертон" эса 2025 йил январидан бери илк бор кетма-кет уч ўйинда ютқазиб қўйиш хавфи остида.
Таркибдаги йўқотишлар: "Қарғалар" сафида Бруно Гимараэс ва Фабиан Шер каби етакчилар йўқ. "Эвертон"да Жек Грилиш жароҳатланган, аммо Жейк О'Брайен сафга қайтди.
"ЛИДС" — "МАНЧЕСТЕР СИТИ" | 22:30
"Лидс" декабрь ойидан бери лигада энг кўп дуранг ўйнаган жамоа (8 марта) бўлиб турибди. "Манчестер Сити" эса "Лидс" билан охирги бешта тўқнашувнинг барчасида ғалаба қозонган. Гвардиола жамоаси "Арсенал"дан бир кун олдин ўйнайдиган баҳсларда деярли хато қилмаяпти.
Таркибдаги йўқотишлар: "Сити"да Йошко Гвардиол ва Мате Ковачич лазаретда қолмоқда, аммо Жереми Доку машғулотларга қайтди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Хоразм
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
