“Реал Мадрид” келаси мавсум олдидан таркибни кенг кўламли қайта қуришга тайёргарлик кўрмоқда. Аллақачон бир нечта футболчининг кетиши ва асосий трансферлар режалаштирилган.
Клуб раҳбарияти сўнгги пайтлардаги муваффақиятсизликлардан сўнг ҳақиқий инқилоб керак деб ҳисобламоқда. Бир нечта позициялар, айниқса, ҳимоя ва ярим ҳимоя чизиғини кучайтириш чоралари кўрилади.
Янги ўйинчиларга жой очиш, таркибни ёшартириш ва умумий савияни кўтариш мақсадида бир қатор футболчилар сотиб юборилиши мумкин.
Шунингдек, мавсум якунида мураббийлик масаласи бўйича ҳам қарорлар қабул қилиниши кутилмоқда. Бу қарор лойиҳанинг келажакдаги йўналишини белгилаб беради.
“Реал Мадрид” келаси мавсумда яна барча совринлар учун кураша оладиган рақобатбардош жамоа шакллантирмоқчи.
Эътибор марказидаги асосий нуқталардан бири – Альваро Арбелоа. Унинг тақдири Ла Лига якунлангач ҳал қилинади. Мураббийнинг ишига берилган умумий баҳо ижобий. Бунга сабаб сифатида ҳал қилувчи паллалардаги жароҳатларнинг кўплиги (ЕЧЛ нимчорак финалида “Манчестер Сити”га қарши ўйин олдидан 7 нафар футболчи жароҳат олган) кўрсатилмоқда.
Бироқ, “Реал Мадрид” мураббийлари учун асосий ўлчов бирлиги титуллар ҳисобланади. Испания Кубоги ва Чемпионлар Лигаси бой берилди (Испания Суперкубоги эса Хаби Алонсо ҳисобига ёзилган). Энди фақат Ла Лигадаги “мўъжиза” вазиятни қутқариб қолиши мумкин. Шунинг учун клуб муқобил вариантларни кўриб чиқмоқда, аммо улар орасида Юрген Клопп (мухлислар танлови) ёки Дидье Дешам каби номлар йўқ.
Режага кўра, асосий жамоада 22 нафар футболчи қолдирилиб, улар ўрнини Тяго Питарч ёки Жоан Мартинес каби ёшлар жамоаси вакиллари билан тўлдириш кўзда тутилган. Клуб бу йилги таркиб жуда катта бўлгани сабабли, ўйин амалиёти камлигидан шикоят қилувчилар кўпайганини ва бу ички муҳитга салбий таъсир қилганини таъкидламоқда.
Кетиши кутилаётганлар:
Алаба: Шартномаси 2026 йил июнь ойида тугайди ва жамоани тарк этиши деярли аниқ.
Себальос: Шартномаси 2027 йилгача бўлса-да, кетиши кутилмоқда.
Рюдигер: Шартномаси тугамоқда, лекин ўз ўйини билан жамоада қолиш имкониятини сақлаб қолган.
Карвахаль: Жамоа сардорининг шартномаси 2026 йил 30 июнда тугайди. Клуб унинг хоҳишини ҳурмат қилади, чунки у 6 карра ЕЧЛ ғолиби ва клуб афсонасидир.
Шунингдек, шартномаси бўла туриб Камавинга, Асенсио, Фран Гарсия ва Гонсало каби футболчилар ҳам сотиб юборилиши мумкин. Айниқса, Камавинга ва Асенсионинг сўнгги ҳафталардаги ўйини танқидлар остида қолди.
Ҳали якунланмаган таҳлилларга кўра, лойиҳанинг асоси барибир Мбаппе, Винисиус ва Беллингем бўлиб қолади. Уларга қўшимча равишда Куртуа, Трент, Милитао, Вальверде, Тчуамени ва Арда Гулер каби ўзини исботлаган футболчилар ҳам жамоада қолади. Ўтган ёзда амалга оширилган трансферлар – Трент, Хёйсен ва Каррерас — жамоанинг умумий омадсизлигига қарамай, раҳбарият ишончига кирган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
