Глобал спорт саноати молиявий жиҳатдан тарихидаги энг юқори босқичга чиқди. Медиа ҳуқуқлари, рақамли аудитория ва йирик ҳомийлик шартномалари ҳисобига етакчи лигалар даромад борасида рекорд кўрсаткичларни қайд этмоқда. Спорт Преферред нашри 2025–26-йилги мавсумда дунёнинг энг даромадли спорт лигалари рўйхати шакллантирди.
Унга кўра Америка футболи бўйича миллий мусобақа — NFL жаҳоннинг энг қиммат лигаси деб топилди. Крикет бўйича Ҳиндистон Премьер Лигаси иккинчи поғонада қайд этилган бўлса, баскетбол бўйича NBA мунтазам чемпионати кучли учликка якун ясаган.
Асосий рейтинг (даромадлар):
1. Миллий Футбол Лигаси (NFL, Америка футболи) – 20 млрд доллар
2. Ҳиндистон Премьер Лигаси (IPL, крикет) – 17 млрд доллар
3. Миллий баскетбол ассоциацияси (NBA, баскетбол) – 14 млрд доллар
4. Бейсбол Мейжор Лигаси (MLB, бейсбол) – 12 млрд доллар
5. Англия Премьер Лигаси (АПЛ, футбол) – 8 млрд доллар
6. Миллий Хоккей Лигаси (NHL, хоккей) – 6,5 млрд доллар
7. Германия Бундеслигаси (футбол) – 4.3 млрд доллар
8. Испания Ла Лигаси (футбол) – 4,5 млрд доллар
9. Италия А Серияси (футбол) – 3,5 млрд доллар
10. УЕФА Чемпионлар Лигаси (футбол) – 3,5 млрд доллар
NFL — мутлақ етакчи
Миллий Футбол Лигаси американча футболнинг минтақадаги машҳурлиги яна бир бор дунёнинг энг бой спорт лигаси эканини тасдиқлади. Лига қиймати 20 миллиард долларга баҳоланмоқда. NBC, ESPN ва Fox билан тузилган узоқ муддатли трансляция шартномалари асосий даромад манбаи бўлиб хизмат қилмоқда. Microsoft, Toyota каби гигантлар ҳамкор сифатида жалб қилинган.
IPL — крикет империяси
Крикет бўйича Ҳиндистон Премьер Лигаси қисқа вақт ичида спорт бизнесининг энг йирик лойиҳаларидан бирига айланди. Лиганинг умумий қиймати 17 миллиард долларни ташкил этади. Эфир ҳуқуқларидан йилига 1,2 миллиард доллардан ортиқ даромад олинади. Ҳар бир ўйин ҳисобидан жуда юқори фойда кўриш ортидан Лига қудратли ташкилотга айланди.
NBA — глобал ўсиш давом этмоқда
Миллий баскетбол ассоциацияси мунтазам чемпионати ва плей-офф ўйинларидаги кескин рақобат сабабли ушбу мусобақа ва спорт тури айниқса Осиё бозорида тез суръатлар билан ривожланмоқда. Лига қиймати 14 миллиард долларга етган, йиллик ҳомийлик даромадлари эса 1 миллиард доллардан ошади. Nike билан ҳамкорлик муҳим рол ўйнамоқда.
MLB — анъанавий гигант
Бейсбол бўйича Мейжор Лига АҚШ спорт маданиятининг асосий устунларидан бири бўлиб қолмоқда. Лига қиймати 12 миллиард долларни ташкил этади. Америкадаги энг йирик трансляция ҳуқуқларидан олинадиган даромад Лига учун қарийб 1,84 миллиард доллар фойда келтиради. Энг қиммат клуб “Нью Йорк Янкис” боְ‘либ, 8,2 миллиард долларга баҳоланган.
Англия Премьер Лигаси — футбол тижоратининг етакчиси
Англия Премьер Лигаси футбол мусобақалари орасида энг катта даромадга эга турнир ҳисобланади. 20 та клуб иштирок этадиган мусобақа глобал трансляция ва маркетинг орқали миллиардлаб фойда кўрмоқда. АПЛ бутун дунё бўйлаб энг катта аудиторияга эга.
NHL — барқарор ривожланиш
Миллий Хоккей Лигаси АҚШ ва Канадада ўз позициясини мустаҳкамлаб бормоқда. Технология, автосаноат ва ичимлик соҳасидаги энг йирик брендлар билан ҳамкорлик йўлга қўйилган.
Бундеслига — тизимли ўсиш намунаси
Бундеслига молиявий барқарорлик ва бошқарув тизими билан ажралиб туради. Ҳатто Германиянинг иккинчи дивизиони ҳам илк бор 1 миллиард евро даромад чегарасидан ўтди.
Ла Лига — юлдузлар лигаси
Испания Ла Лигаси “Реал Мадрид” ва “Барселона” каби гранд клублар туфайли юқори тижорий қийматни сақлаб қолмоқда. Лиганинг тижорий даромади 1 миллиард евродан ошган. Шунингдек, трансляция ҳуқуқини сотиш орқали кўриладиган даромад 1,5 миллиард доллардан зиёд.
А Серия — мураккабликларга қарамай ўсаётган чемпионат
Италия А Серияси молиявий қийинчиликларга қарамай, ўз нуфузини сақлаб қолмоқда. Эфир ҳуқуқлари муҳим даромад манбаи бўлиб қолмоқда.
Чемпионлар Лигаси — глобал бренд
УЕФА Чемпионлар Лигаси дунёнинг 200 дан ортиқ давлатида намойиш этилади ва клублар футболининг энг йирик тижорий лойиҳаларидан бири ҳисобланади.
Спорт саноати тобора катта бизнесга айланиб бормоқда. Айниқса медиа ҳуқуқлари ва глобал аудитория учун кураш етакчи лигалар даромадининг кескин ошишига хизмат қилмоқда. Келгуси йилларда бу рақамлар янада ўсиши кутилмоқда.
Бироқ, мусобақа қиймати жиҳатдан Америка футболи, баскетбол, крикет ва бейсбол лигалари қанчалик қудратли бўлмасин, ҳамон футбол энг кўп томоша қилинадиган спорт тури бўлиб қолмоқда.
1. Англия Премьер Лигаси — 3,2 млрд
2. УЕФА Чемпионлар Лигаси — 1,6 млрд
3. Ҳиндистон Премер Лигаси (Крикет) — 650 млн
4. Ла Лига (Испания) — 600 млн
5. NBA (Баскетбол) — 550 млн
6. Бундеслига (Германия) — 450 млн
7. NFL (Америка футболи) — 410 млн
8. А Серия (Италия) — 380 млн
9. MLB (Бейсбол) — 250 млн
10. Лига 1 (Франция) — 210 млн
Англия Премьер Лигаси ва УЕФА Чемпионлар Лигасини бир мавсум давомида 5 миллиардга яқин инсон томоша қилади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
