Улуғбек Бақоев: «Бугунги ўйин учун йигитларга раҳмат айтаман»
Суперлига 5-тури доирасида бўлиб ўтган "Сўғдиёна" — "Қўқон-1912" учрашувидан сўнг мезбонлар бош мураббийи Улуғбек Бақоев матбуот анжуманида иштирок этди.
— Ҳимоя, ярим ҳимоя ва ҳужумда тартибли ўйин орқали бошлагандик. Барчаси яхши кетаётганди, 2:0 ҳисобида олдинда эдик.
Иккинчи бўлимда эса, балки, футболчиларнинг жисмоний ҳолати пастлик қилгандир, дуранг ўйнадик. Бу ёқимли эмас. Бугунги ўйин учун йигитларга раҳмат айтаман. Энди навбатдаги учрашувга тайёрланамиз.
— «Сўғдиёна» биринчи бўлимда кўп ҳужум қилди ва катта куч йўқотди. Жамоанинг 2та гол ўтказиб юборишига ўзгаришлар ҳам сабабчи бўлмадими?
— Биринчи голни биз иккинчи бўлим бошида ўтказиб юбордик. Ўша пайтгача хеч қандай ўзгаришлар бўлмаганди. Бунда Гадоевнинг ижросини эътироф этиш лозим. Шу сабабли бир нима дейиш қийин. Иккинчи бўлимда эса бироз эътиборсизлик сабабли иккинчи голни ҳам қўйиб юбордик. Ачинарли, албатта. 2:0, шунча куч ишлатиб 2:2… Йигитлар учун ҳам афсусдаман.
— Бугун майдонга тушган 11 нафар футболчидан кейинги баҳсда қанчаси тушмаслиги мумкин? Зеро, бу ойда Суперлига жамоаларида ўйинлар кўп.
— Ротация доимо керак. Барчаси футболчиларнинг ўзига боғлиқ. Кўп эътиборни машғулотларга қаратиш керак. Барча нарса бўлиши мумкин. Ўз навбатида ротасия ҳам эҳтимолдан ҳоли эмас.
Манба: https://t.me/pfcsogdianauz
Киритилди: 22:31, 02.04.2026. Ўқилди: 356 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар