Жорий йилнинг 1-апрель санасида Лига қошидаги Тартиб-интизом қўмитасининг навбатдаги йиғилиши бўлиб ўтди. Унда мазкур санагача бўлган вақт оралиғида Ўзбекистон Суперлигаси, U21 чемпионати ҳамда Ўзбекистон Кубоги учрашувларида иштирокчилар томонидан йўл қўйилган қоидабузарликлар юзасидан қарор чиқарилди.
Суперлига
«Қўқон-1912» – «Навбаҳор»
Суперлига 4-тури доирасидаги «Қўқон-1912» – «Навбаҳор» баҳси комиссари билдиргисига кўра, «Қўқон-1912» футбол клуби учрашувни ташкил қилишда кўплаб камчиликларга йўл қўйгани, жумладан, стадионда майдон чизиқлари учрашув стартга 3 соат қолганида чизиб тугатилгани, майдон майсаси 3,5–4 сантиметр атрофида бўлгани, кўчма телевизион станция учун Суперлига регламентида талаб қилинган интернет белгиланган тартибда ва тезликда тақдим этилмагани, стадион электрон реклама баннерлари кеч ёқилгани, учрашув давомида инфотейнмент дастури қониқарсиз ижро этилгани ва ўйин олдидан Countdown’да белгиланган реклама роликлари жамланмаси фақат бир маротаба намойиш этилгани аниқланди.
Қарор: Ўзбекистон Профессионал футбол лигаси Тартиб-интизом кодексининг 73-моддасига асосан «Қўқон-1912» футбол клубига жарима интизомий жазоси қўллансин.
«Навбаҳор лочинлари» футбол клуби ўйинолди машғулотларни 3 дақиқа кеч якунлагани, клуб вакили Бахтиёр Исмоилов учрашув комиссари томонидан огоҳлантирилганига қарамай, футболчилар машғулотга кеч чиқиб келганини рўкач қилиб, уларни майдондан ўз вақтида чиқармаслигини билдириб, комиссар фаолиятига халал бергани, натижада «Навбаҳор лочинлари» футбол клуби ўйин олдидан трибунаости тоннелга 3 дақиқа кеч чиққан ва ушбу ҳолатлар учрашувнинг 2 дақиқаю 40 сония кеч бошланишига сабаб бўлгани аниқланди.
Қарор: «Навбаҳор» клуби вакили Бахтиёр Исмоиловга нисбатан жарима интизом чораси.
«Қўқон-1912» футбол клуби мураббийи Февзи Давлетов техник ҳудудда бир неча маротаба учрашув расмийларига кескин ва намойишкорона эътироз билдирган ва бу билан у Суперлига регламентининг 15.29-бандини бузганлиги аниқланди.
Қарор: Тартиб-интизом кодексининг 77-моддасига асосан «Қўқон-1912» футбол клуби мураббийи Февзи Давлетовга жарима интизомий жазоси қўллансин.
«Қўқон-1912» – «Навбаҳор» учрашуви ҳакамидан билдирги келиб тушган, унга кўра учрашувнинг 83-дақиқасида «Қўқон-1912» футбол клуби футболчиси Силванус Нимели ўйин вақтини сунъий равишда чўзганлиги учун унга сариқ карточка кўрсатилгани аниқланди.
Қарор: Жарима интизом чораси.
«Қизилқум» – OKMK
Суперлига 4-тури доирасидаги «Қизилқум» – OKMK учрашуви комиссаридан билдирги келиб тушган, унга кўра «Қизилқум» футбол клуби мезбонлигида ўтган учрашувнинг 82-дақиқасида ҳамда учрашувдан сўнг «Қизилқум» мухлислари томонидан майдонга ва унинг атрофидаги ёрдамчи ҳакамларга ёлим идишлар, турли буюмлар улоқтирилгани, ушбу буюмлар майдон атрофидаги шахсларга теккани аниқланди.
Қарор: Тартиб-интизом кодексининг 79-моддасига асосан «Қизилқум» клубига жарима интизомий жазоси ҳамда келгуси бир уй учрашувида стадионнинг T-20, A, B-2 секторларига томошабин киритмаслик жазоси қўллансин.
Шунингдек, ушбу ўйинда «Қизилқум» футболчилари Шаҳзод Туропов (55-дақиқа) ва Ислом Кенжабоев (78-дақиқа), ҳамда мураббий Акмал Рустамов (84-дақиқа) ҳакам қарорларига эътироз билдиргани учун сариқ карточка олган.
Қарор: Жарима интизом чоралари.
«Хоразм» – «Бунёдкор»
Ушбу ўйинда «Бунёдкор» футболчилари Сардор Рахмонов (40-дақиқа) ва Федерико Ботти (90+1) ўйин вақтини сунъий чўзгани учун сариқ карточка олган.
Қарор: Жарима интизом чоралари.
«Бухоро» – «Динамо»
«Бухоро» футболчиси Равшан Хайруллаев (89-дақиқа) ўйин вақтини чўзгани, «Динамо» футболчиси Хислат Халилов (87-дақиқа) симуляция қилгани учун сариқ карточка олган.
Қарор: Жарима интизом чоралари.
«Нефтчи» – «Локомотив»
«Нефтчи» футболчиси Иззатилло Пўлатов (82-дақиқа) ўйин вақтини сунъий чўзгани учун огоҳлантирилди.
Қарор: Огоҳлантириш (қайтарилса — жарима).
«Насаф» – «Сурхон»
«Сурхон» футболчиси Нодирхон Неъматхонов (90+4) ўйин вақтини сунъий чўзгани учун сариқ карточка олган.
Қарор: Жарима интизом чораси.
«Андижон» – «Машъал»
«Машъал» футболчиси Иброҳим Ғанихонов 12-дақиқада рақибга тирсаги билан зарба бергани учун қизил карточка олган.
Қарор: 2 та ўйинга дисквалификация.
U-21 чемпионати
Бир қатор учрашувларда ҳакам қарорларига эътироз билдирган футболчиларга сариқ карточкалар кўрсатилди:
- «Қизилқум U21» – OKMK U21: Элбекжон Йўлчиев
- «Бухоро U21» – «Динамо U21»: Беҳрузбек Облақулов
- «Андижон U21» – «Машъал U21»: Аҳрор Муродов
- «Сўғдиёна U21» – «Пахтакор U21»: Жамшидбек Рустамов
- «Насаф U21» – «Сурхон U21»: Камронбек Эргашев
Қарор: Жарима интизом чоралари.
Ўзбекистон Кубоги
«Гулистон» – «Sonyc X»
- Асилбек Умирзоқов ҳакамни ҳақорат қилгани учун қизил карточка олди.
- Мураббий Аббосбек Махситалиев техник зонани тарк этгани учун четлатилди.
Қарор: Махситалиев — 2 ўйинга дисквалификация.
«Жиззах FA» – «Ҳавоканд»
- Шахбоз Рустамов қўпол ўйин учун қизил карточка олди.
Қарор: 2 ўйинга дисквалификация.
«Оқтепа» – «Ҳавоканд»
- Салоҳиддин Мусаев рақибга бош билан зарба бергани учун қизил карточка олди.
Қарор: 3 ўйинга дисквалификация.
Шунингдек, «Ҳавоканд» клуби расмийси учрашув қайдномасига келмаган шифокорни киритиб, комиссарни алдашга урингани аниқланди.
Қарор: Клубга жарима интизомий жазоси қўллансин.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
