Пойтахтимиздаги Ўзбекистон Тасвирий санъат галереясида шахмат бўйича хотин-қизлар ўртасида Халқаро шахмат федерацияси – FIDЕ Гран-присининг учинчи босқич баҳсларига старт берилди.
Халқаро шахмат федерацияси шафелигида ўтказилаётган ушбу нуфузли мусобақа олти босқичдан иборат бўлиб, мусобақалар якунларига кўра энг кўп очко жамғарган шахмат устаси 2015 йилда амалдаги жаҳон чемпиони билан жаҳон тожи учун кураш олиб бориш хуқуқига эга бўлади. 2013-2014 йилларда ўтказиладиган саралаш босқичида умумий ҳисобда 18 нафар шахматчи иштирок этади. Ҳар бир босқичда 12 нафардан шахматчи қатнашиб, уларнинг ҳар бири Гран-при сериясидаги тўрттадан турнирда қатнашади.
ФИДЕ Гран-присининг учинчи босқичида мамлакатимиз шарафини Осиё чемпионати ва Осиё ўйинлари кумуш медали совриндори, ўзбек қизлари орасида биринчи бўлиб халқаро гроссмейстер унвонини қўлга киритган истеъдодли ёш шахматчимиз Нафиса Мўминова ҳимоя қилади.
Тошкентда бошланган учинчи босқич мусобақаларида,шунингдек, жаҳон шахмат олимпиадаси, жаҳон ва Европа чемпионати совриндори грузиялик Бела Хотенашвили, қизлар ўртасида кўпкарра жаҳон чемпиони ҳиндистонлик Хампи Конеру, Осиё чемпионати кумуш медали совриндори ва Хитой чемпиони Цзю Веньцзюнь, жамоавий жаҳон чемпионати, Европа чемпионати ғолибаси, тезкор шахмат – блиц бўйича жаҳон чемпиони украиналик Екатерина Лагно, жаҳон ва Европа чемпиони болгариялик Антоанета Стефанова, 20 ёшгача қизлар ўртасида жаҳон чемпиони ҳиндистонлик Харика Дроновалли, жаҳон ва Европа чемпиони, жаҳон шахмат олимпиадаси икки карра ғолибаси россиялик Александра Костенюк, Европа чемпионати совриндори ва олти карра Арманистон чемпиони Элина Даниэлян, 18 ёшгача қизлар ўртасида жаҳон ва Европа чемпиони россиялик Ольга Гиря, 20 ёшгача қизлар ўртасида жаҳон чемпиони хитойлик Чжао Сюэ, халқаро турнирлар ғолибаси қозоғистонлик Гулисхон Накбоева ғолиблик учун дона суришмоқда.
Мусобақа қоидасига кўра, ФИДЕ Гран-приси босқичларида шахматчилар бир даврали тизимда жами 11 партия ўйин ўтказади. Энг кўп очко жамғарган уч нафар спортчи босқич ғолиби ва совриндорлари сифатида тақдирланади.
Қуйида шахмат бўйича хотин-қизлар ўртасида ўтказиладиган FIDE Гран-При мусобақасининг саралаш босқичлари муддати берилган:
Биринчи босқич - Женева (Швейцария). 2-16 май 2013 йил;
Иккинчи босқич - Дилижон (Арманистон). 15-29 июнь 2013 йил;
Учинчи босқич - Тошкент (Ўзбекистон). 17-30 сентябрь 2013 йил;
Тўртинчи босқич - Ханти-Мансийск (Россия). 2-16 май 2014 йил;
Бешинчи босқич - Тбилиси (Грузия). 18 июнь - 2 июль 2014 йил;
Олтинчи босқич - Эрденет (Муғилистон). 24 август - 7 сентябрь 2014 йил.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
