15 октябрь, сешанба куни Ўзбекистон миллий терма жамоаси Осиё кубоги-2015 саралаш босқичи доирасида Вьетнамни мағлубиятга учратди.
Учрашувнинг биринчи бўлимида вакилларимиз рақиб дарвозасига йўл топа олишмади. Албатта буни вьетнамликларнинг зич ҳимояси дастлабки таймда бехато ва тартибли ўйнагани билан боғлаш мумкин. Ўйин шу зайлда давом этаётган маҳалда Миржалол Қосимов майдонга янги кучларни ташлади. Учрашувга захирадан қўшилган Жамшид Искандаров ва Сардор Рашидов терма жамоа ўйинини кучайтира олишди. 68-дақиқада Сардор Рашидов чамаси 23 метрлар узоқликдан дарвозани аниқ нишонга олди ва узоқ кутилган голга муаллифлик қилди. Шундан сўнг ўйинннг бориши анча ўзгариб кетди. Натижада орадан кўп ўтмай рақиб дарвозасига иккинчи тўп киритилди. Санжар Турсунов икки футболчини алдаб ўтиб, дарвоза яқинида турган Гейнрихга тўп оширди. Зарбани қайтариш учун рақиб ҳимоячиси Ау Ван Хоан ҳатоликка йўл қўйди ўз дарвозасига тўпни тўғрилаб юборди – 2:0. Иккита тўп ўтказиб юборган вьетнамликлар гол уриш илинжида “ташқари”га чиқишди ва ўз мақсадларига эришишди. Қарши ҳужумда фаол ўйнаган Нгуен Хоанг ҳисобни қисқартирди. Лекин ўйин охирларида Игорь Сергеев ҳисобдаги фарқни яна иккитага ошириб, якуний натижа 3:1 бўлишини таъминлади.
Биз терма жамоа аъзоларини ушбу ғалаба билан табриклаймиз. Дарвоқе, бу ютуқ терма жамоамиз тарихидаги юбилей – юзинчи ғалаба сифатида қайд этилди. Шу куни терма жамоа сафида бўлган Сардор Рашидовни ажойиб дебют билан муборакбод этамиз.
Осиё кубоги-2015. Саралаш турнири. “Е” гуруҳи
Ўзбекистон – Вьетнам 3:1 (0:0)
Голлар: Сардор Рашидов 68, Ау Ван Хоан 72 (автогол), Игорь Сергеев 90+2 — Нгуен Хоанг 78
Огоҳлантиришлар: Анзур Исмоилов (89) — Ан Дук (31)
Ўзбекистон: 12. Элдорбек Суюнов, 3. Шавкат Муллажонов, 5. Анзур Исмоилов, 19. Виталий Денисов, 6. Жасур Ҳасанов, (23. Сардор Рашидов 46) 7. Азизбек Хайдаров, 8. Сервер Жепаров, 17. Санжар Турсунов, 22. Илҳом Юнусов (Жамшид Искандеров 38), 15. Александр Гейнрих, 11. Баҳодир Насимов (Игорь Сергеев 64)
Вьетнам: 22. Нгуен Тан Бин - 2. Ау Ван Хоан, 4.Нгуен Ван Биен, 6. Чау Ле Пуок Винь, 18.П. Нҳиен - 7. Сао Си Суонг (Ту 67), 8. Н.Дуй (9.Конг Винь 57), 10. Н.Хоанг, 12. Хюин Куок Ан, 19. Луонг (21.Ле Ван Танг 47) - 11. Ан Дук
Ҳакамлар: Мухсин Турки, Мухаммадризо Абулфазли, Алинажадиён Сайид, Ашкан Хуршиди (ҳаммаси – Эрон)
15 октябрь. Тошкент. "Пахтакор" марказий стадиони. 5675 томошабин
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
