СЭ: Бугун Аҳмедов-Хурадо қарама-қаршилиги
Бугун "Анжи" ўз майдонида Москванинг "Спартак" клубини қабул қилади. Россиянинг "Спорт-Экспресс" сайти ушбу жамоаларнинг ўзаро ўйинида 3та қизиқарли қарама-қаршиликни тилга олиб ўтган. Жумладан, майдон марказида "Анжи" футболчиси Одил Аҳмедов ва "спартакчи" Хурадо ўртасида кечажак тўқнашув борасидаги қарашлар баён қилинди.
Аҳмедов - Хурадо
Жуселей жароҳатидан фориғ бўлиб улгурмаслиги, жароҳатдан энди қутулган Коста дарҳол асосий таркибга кирмаслигини инобатга олган ҳолда, майдон марказида Одил Аҳмедов ва Хурадо қарама-қаршилигини кузатсак керак. Ўзбек ярим ҳимоячисининг асосий жойи таянч ярим ҳимояси ҳисобланади. Шунинг учун "Спартак"нинг асосий плеймейкерини ушлаш айнан унга юклатилади. Шунингдек, Аҳмедовнинг ҳаракат диапазони анча кенг. У нафақат классик таянч зонасида, балки қанотларни ёпиши ва ҳужумга яқин жойда ҳам ўйнаши мумкин. У узоқ масофадан дарвозага йўллаши ҳам мумкин. "Краснодар" билан ўйинда дарвозани ишғол қилганди.
"Спартак"нинг ҳужумдаги ўйин услубини инобатга олганда, яхши биринчи узатмага эга бўлган Аҳмедов ҳимоядан тез чиқишда ва қарши ҳужумлар уюштиришда муҳим фигурага айланиши мумкин. Тўпни олиб қўй ва олдинга узат. Ушбу футбол қоидасини ҳали ҳеч ким бекор қилмаган. Шунингдек, бу қоидани Хурадо ҳам яхши амалда қўллай олади. Ҳаттоки испаниялик футболчи чап қанотда ўйнаса ҳам, у қора ишлардан четда турмайди ва марказий ярим ҳимоячиларга ёрдамга келади. Фикрлаш тезлиги ва ўйиннинг боришини бир неча қадам олдинда ўқий олиш хусусияти туфайли "Шальке"нинг собиқ футболчиси "спартакчилар" сафида муҳим футболчилардан бирига айланди.
Юқори ишчанлик ва ўйин қобилиятини бирлаштирган ҳолда, Хурадо энг зич таъқибдан чиқиб кетишга ҳам қодир. Бу узатмаларга ҳам, индивидуал ҳаракатларга ҳам тегишли. Унинг атрофида маҳоратли жамоадошлар борлиги эса Аҳмедов билан қарама-қаршиликда унга қўл келади. Узоқ масофалардан зарба йўллашда эса Хурадо ўзининг "Анжи"даги ҳамкасбидан қолишмайди. Унинг ҳисобидаги голлар сони Аҳмедовникидан 3 марта кўп. Самарали тўп узатиш ҳақида эса алоҳида тўхталиш шарт эмас. Шунингдек, Хурадо жамоасининг "стандарт"ларини ҳам амалга оширишини таъкидлаш лозим.
Эслатиб ўтамиз, "Анжи" - "Спартак" ўйини Тошкент вақти билан соат 14:30да бошланади.
Манба: www.sport-express.ru
Киритилди: 10:15, 20.10.2013. Ўқилди: 5758 марта. Фикрлар: 15 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
