«Бунёдкор» логотипи энди юлдузли
30 ноябрь оқшомида 2013 йилги мамлакат чемпионлари – Тошкентнинг “Бунёдкор” жамоаси аъзоларини тақдирлаш маросими бўлиб ўтди.
Хабарингиз бор, 2013 йилги мавсумни ҳам қўшиб ҳисоблаганда “Бунёдкор” 5 карра Ўзбекистон чемпионлигини қўлга киритди. Булар – 2008, 2009, 2010, 2011, 2013 йиллар.
Барчага маълумки, бунгача мамлакатимизда беш маротаба чемпионликка эришиш Фарғонанинг “Нефтчи” ҳамда Тошкентнинг “Пахтакор” жамоаларига насиб этган эди. Ушбу рўйхатдан учинчи бўлиб “Бунёдкор” жамоаси жой эгаллади. Ўз тарихларида беш маротаба олтин медалларга эга чиқишган “Нефтчи” ва “Пахтакор” клублари ўз логотипларини юқори қисмини юлдуз билан бойитишган эди. Энди “Бунёдкор” рамзи ҳам юлдузли бўлди.
“Бунёдкор”нинг олтин мавсуми!” номи остида ўтган тақдирлаш маросимида “қалдирғочлар”нинг янги логотипи намойиш этилди. Унда жамоамиз сафида беш маротаба чемпион бўлишган – Хайрулла Каримов ва Саҳоб Жўраев “Бунёдкор”нинг янги рамзи тақдимотини ўтказишди.
Манба: www.fcbunyodkor.com
Киритилди: 21:17, 01.12.2013. Ўқилди: 3023 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар