Sports.ru сайти "Трибуна"сида Александр Филимонов билан интервью чоп этилди. Ушбу дарвозабон икки йил давомида Тошкентнинг "Локомотив" клуби шарафини ҳимоя қилганидан хабарингиз бор. Мазкур интервью анчагина катта бўлиб, унинг Ўзбекистонга оид қисмини эътиборингизга ҳавола қиламиз.
— Сиз икки мавсум давомида Тошкентнинг "Локомотив" жамоасида ўйнагансиз. Айтишларича, у ерда одамлар ҳаддан ташқари иссиқ туфайли юрак дорисини ичиб юришаркан?
— Бунисини билмадим. Билганим шуки, йигитлар носвой чекишарди. Бу тилни тагига ташлаб чекиладиган нарса. Умуман олганда, Ўзбекистондан таассуротларим катта. Тошкентда барча нарса маданий ва сифатли. Шаҳардан бир неча соат юриб, ташқарига чиқилса — қашшоқлик. Ривалдо "Бунёдкор"да фаолият олиб бораётганида, унга қарши ўйнашга тўғри келган. У жуда катта профи сифатида ёдда қолган. Югуриб бориб тўпни олиб қўйиш керак бўлса — югуради ва олиб қўяди. Унинг техникаси ва майдонни кўра олиш хусусиятини инобатга олганда, ҳар қандай узатмаси аниқ оёққа етиб боради. Фақат ўзи учун ўйнамасди, бутун жамоа учун ўйнарди.
— Бозорларга бордингизми?
— Албатта. Мен Москвага бозорларига бормайман. Шунинг учун таққослайдиган нарсам йўқ. Лекин мен у ерда қариндошларникига бордим. Йўлда кетаётганингда, ҳар бир одам сенга "Ака! Ака!.." деб мурожаат қилади. У ерда барчаси зўр. Ўзбекистонда мен ҳақиқий ширин узум нима эканини тушуниб етдим. Июль ойида узум сотиб олмоқчи бўлганимда, менга: "Бу ҳали кўк, ширин бўлмайди", дейишди. Мен еб кўрдим ва жуда ширин эди. Агар бу ширин бўлмаса, ширини қанақа бўлади? Сентябрь ойида сотиб олганимда эса, кичкинагинани бўлагини охиригача ея олмадим. Тилни ёрадиган даражада ширин эди. Худди шу гапни тарвузлар ва қовунлар ҳақида ҳам айтишим мумкин. Ўзбекистондан кейин мен Москвада уларни сотиб ололмайман. Дарвоқе, улар Тошкентда килолаб эмас, доналаб сотилади. Кўз билан чамалаб, нарх белгилашади.
— Сиз дуч келган энг ёмон нарса?
— Ўзбекистондаги қурбонлик. Мавсум олдидан бутун жамоа стадионда йиғилади. Дарвоза ортидан чуқур кавланади ва қўйни келтиришади. Унинг томоғига пичоқ тортилади ва қон чуқурга оқиб тушади. Кейин одамлар қонга қўлини ботириб, кейин турли жойларига суртишади. Жароҳатланганлар жароҳат олган жойига, ҳужумчилар эса кўпроқ гол уришни мақсад қилиб, бутсаларига.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
