Ўзбекистон миллий терма жамоасига чет элдан хорижлик маслаҳатчи-мураббийга эҳтиёж бўлса, бу ҳақда бош мураббий Миржалол Қосимов ЎФФ Президентига мурожаат қилиши мумкин. Бу ҳақда ЎФФ Президенти Мираброр Усмонов Мураббийлар кенгаши мажлисида маълум қилди.
Миржалол Қосимов ўз штабида ўзгаришларни амалга ошириши учун, масалан, чет элдан маслаҳатчи мураббий керак бўлса бу ҳақда сўраб мурожаат қилиши учун 2014 йилнинг январ ойи сўнгигача муддат берилди.
Шу билан бирга қайд этилдики, ЎФФ Ўзбекистон терма жамоаси бош мураббийлигига чет эллик бош мураббий тайинланишидан манфаатдор эмас. Чет эллик мутахассис кўпи билан маслаҳатчи мураббий ёки катта мураббий лавозимида ишлаши мумкин.
Шунингдек, ЎФФ Президенти футболчиларнинг натурализациясига ҳам қарши эканлиги билдириб, терма жамоа Ўзбекистон фуқаролигини қабул қилган чет эллик учун эмас, аксинча, шу мамлакатда туғилиб ўсган ўзбекистонлик ёшлар учун эканлигини алоҳида урғулади.
«Чет элликнинг фуқароликни қабул қилиб, катта пуллар эвазига терма жамоага жалб этилишидан ким манфаатдор? Бу билан биз терма жамоада ўйнаш учун болалигидан буён меҳнат қилиб келаётган ёшларнинг ҳаққини олиб қўймаймизми? Ватанга кимнинг кўпроқ меҳнати синган: паспорти бор чет элликнингми ё шу ерда туғилиб ўсган ўзбекистонлик ёшларнингми?», - дейди Мираброр Усмонов янги таркибда биринчи мажлисни ўтказган Мураббийлар кенгашининг мажлисида.
Ўзбекистон миллий терма жамоаси 2014 йилда катта мусобақада иштирок этмаслиги боис асосий эътибор 2015-йилда Австралияда ўтказиладиган Осиё чемпионатига тайёргарликка қаратилиши ҳақида ҳам алоҳида гапирилди. Миллий терма жамоага Осиё чемпионати саралаш босқичининг сўнгги турида 2014-йилнинг 5-мартида Тошкентда ўтказиладиган Ўзбекистон-БАА учрашувида араб жамоаси билан алоҳида ҳисоб-китоб борлиги, Осиё чемпионатига йўлланмани қўлга киритиш вазифаси қўлга киритилган бўлса ҳам БАА билан ўйинга жиддий тайёргарлик кўриб, терма жамоанинг ҳақиқий кучини намойиш этиш вазифаси қўйилди. Шунингдек, ўртоқлик учрашувларни ўтказиш ва ўқув машғулот йиғинларида янги футболчиларни синовдан ўтказиб, таркибда рақобатни кучайтириш кераклигига эътибор қаратилди.
Январдаги биринчи расмий мусобақа 22-ёшгача бўлган футболчилар ўртасидаги Осиё чемпионати бўлиб, унда Шуҳрат Мақсудов бошчилигидаги жамоа иштирок этади. Мусобақага Тошкентда ва Дубайда ўқув-машғулот йиғинларини олиб борадиган терма жамоага ОФКнинг терма жамоалар учун иккинчи нуфузли мусобақасида Ўзбекистон шарафини муносиб ҳимоя қилиш ва мусобақада жамоа имконияти ҳамда салоҳияти доирасида узоққа бориш вазифаси қўйилди.
19-ёшгача бўлган Ўзбекистон терма жамоаси бош мураббийи Алексей Евстафеевга Мьянмада ўтказиладиган Осиё чемпионатида мусобақа ярим финали чиқиб, ЖЧ йўлланмасини қўлга киритиш вазифаси юклатилди.
16-ёшгача бўлган Ўзбекистон ўсмирлар терма жамоаси ҳам Таиландда ўтказиладиган Осиё чемпионатида ярим финалга чиққан ҳолда ЖЧ йўлланмасини қўлга киритишдан иборат эканлиги алоҳида урғуланди ва бош мураббий зиммасидаги вазифа жиддий эканлиги айтиб ўтилди.
Ўзбекистон терма жамоалар марказининг директори Асқар Толибжоновга мажлисга тақдим этилган тайёргарлик дастурларини қабул қилган ҳолда, уларни белгиланган муддат ичида янада мукаммаллаштириш ва ҳар бир бош терма жамоа бош мураббийининг стратегик иш режасини, зиммасига юклатилган вазифалари билан ишлаб чиқиш вазифаси юклатилди. Муайян бир вазифани амалга ошириш масъулиятини ўз зиммасига олиб, ЎФФ Президентига стратегик режасини тақдим этаяптими, бош мураббий керакли шароитларни сўрашга ҳақли эканлигига эътибор қаратилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
