Олимпия шон-шуҳрати музейида «Сочи-2014» ўйинлари олдидан тадбир ўтказилди
Россиянинг Сочи шаҳрида ўтказиладиган XXII қишки Олимпиада ўйинларининг бошланишига ҳам тобора оз муддат қолмоқда. 29-январь куни Ўзбекистон спортининг кўзгуси ҳисобланган Олимпия шон-шуҳрати музейида мазкур ўйинларга олиб борилаётган тайёргарликка бағишланган тадбир бўлиб ўтди.
Ўзбекистон Маданият ва спорт ишлари вазирлиги, Миллий Олимпия қўмитаси ҳамда Россия Федерациясининг Ўзбекистондаги элчихонаси ҳамкорлигида ташкил этилган тадбирда дастлаб Россия Федерациясининг Ўзбекистондаги Фавқулодда ва мухтор элчиси В.Тюрденев Сочи шаҳрида олиб борилаётган тайёргарлик ишлари, барпо этилган спорт объектлари, мусобақа иштирокчилари учун яратилган шароитлар ҳақида атрофлича маълумот берди. Шундан сўнг, Маданият ва спорт ишлари вазирининг биринчи ўринбосари Ж.Акрамов ҳамда Ўзбекистон Миллий Олимпия қўмитаси Бош котиби О.Касимов мамлакатимизда жисмоний тарбия ва спортга Давлатимиз томонидан қаратилаётган алоҳида эътибор ва яратилган шарт-шароитлар Ўзбекистон спортчиларининг халқаро майдонларда қўлга киритаётган муваффақиятлари салмоғини йил-йилга ортиб боришида муҳим омил бўлаётганлигини таъкидлаб ўтдилар ва спортчиларимизнинг Сочи шаҳрида ўтказиладиган Олимпиада ва Паралимпия ўйинларига олиб борган тайёргарликлари хусусида маълумот бердилар.
Эслатиб ўтамиз, 7-23 февраль кунлари ўтказиладиган XXII қишки Олимпиада ўйинларида уч нафар спортчимиз - Миша Ге музда нафис учиш, Артем Воронов ва Ксения Григорьева эса слалом ва гигант слалом бўйича ўтказиладиган мусобақаларда иштирок этадилар. 7-16 март кунлари бўлиб ўтадиган XI Паралимпия ўйинларида эса Евгений Слепов (сноуборд) ва Рамил Гаязов (тоғ чанғиси) Ватанимиз шарафини ҳимоя қиладилар.
Таъкидлаш жоизки, қишки Олимпиада ўйинларида юртимиз спортчилари мустақил жамоа сифатида 1994 йилдан буён мунтазам равишда иштирок этиб келишаётган бўлишса, Паралимпиячиларимиз биринчи бор қишки Паралимпия ўйинларида иштирок этишади.
Маълумот учун. Ўзбекистон делегацияси Сочи шаҳрига 3-4 февраль кунлари жўнаб кетадилар. Олимпия шаҳарчасида Ўзбекистон Давлат байроғини кўтарилишига бағишланган тадбир 5 февраль куни маҳаллий вақт билан соат 16:00га (Тошкент вақти билан соат 17:00га) белгиланган. Сочи шаҳридаги XXII қишки Олимпиада ўйинларининг тантанали очилиш маросими 7 февраль куни маҳаллий вақт билан соат 20.14да бошланади. Унда дунёнинг 85 мамлакатидан 6000 дан зиёд спортчи иштирок этиши кутилмоқда.
Манба: www.olympic.uz
Киритилди: 15:03, 30.01.2014. Ўқилди: 3162 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
