Ўзбекистонлик спортчилар «Сочи-2014» ўйинларига жўнаб кетдилар
Бугун Ўзбекистон Миллий Олимпия қўмитасининг “Халқаро муносабатлар” бўлими раҳбари Баҳодир Ҳусанхўжаев бошчилигида спортчи ва мураббийларимиз Сочи шаҳрига жўнаб кетдилар. Делегациямизнинг қолган аъзолари 4-февраль куни Сочи шаҳрига йўл оладилар.
Дунёнинг 80 дан зиёд давлати вакиллари иштирокида ўтказиладиган мазкур ўйинларда мамлакатимиз спортчилари Миша Ге музда нафис учиш, Артем Воронов ва Ксения Григорьева эса слалом ва гигант слалом бўйича ўтказиладиган мусобақаларда иштирок этадилар. Агарда Миша Ге ва Артем Воронов Олимпиада ўйинларида илк бор иштирок этадиган бўлишса, Ксения Григорьева 2010 йили Ванкувер шаҳри (Канада)да ўтказилган қишки Олимпиада ўйинларида дебютини нишонлаган.
Олимпия шаҳарчасида Ўзбекистон Давлат байроғини кўтарилишига бағишланган тадбир 5-февраль куни маҳаллий вақт билан соат 16:00га (Тошкент вақти билан соат 17:00га) белгиланган.
Ҳамюртларимиздан биринчи бўлиб 13-февраль куни Тошкент вақти билан соат 12:00да Артем Воронов мусобақаларга киришади. Шу куни кечки дастурдан ўрин олган (Тошкент вақти билан соат 20:00да) музда нафис учиш бўйича қисқа дастур баҳсларида Миша Ге ғолиблик учун кураш олиб боради. 14-февраль куни Миша Ге эркин дастур бўйича ўтказиладиган мусобақада иштирок этади. Ушбу мусобақа Тошкент вақти билан 20:00да бошланади. Тоғ чанғичимиз Артем Воронов 16-февраль куни гигант слалом бўйича ўтказиладиган мусобақаларда баҳс юритса, яна бир ҳамюртимиз Ксения Григорьева 21-февраль куни слалом бўйича бўлиб ўтадиган баҳсларда ўз имкониятларини имтиҳондан ўтказади. Ва ниҳоят, 22-феврал куни Артем Воронов слалом бўйича ўтказиладиган баҳсларда иштирок этади. Мазкур мусобақалар Тошкент вақти билан соат 17:45да бошланади.
Маълумот учун. Ўзбекистонлик спортчилар Истиқлол йиллари 1994 йил Лиллихаммер (Норвегия), 1998 йил Нагано (Япония), 2002 йил Солт-Лейк-Сити (АҚШ), 2006 йил Турин (Италия), 2010 йил Ванкувер (Канада) шаҳарларида ўтказилган қишки Олимпиада ўйинларида иштирок этишган. Мазкур ўйинларда жами 33 нафар спортчимиз иштирок этган. 1994 йил Лиллихаммерда бўлиб ўтган Олимпиада ўйинларида фристайлчимиз Лина Черязова Олимпиада ўйинларининг олтин медалига сазовор бўлган.
Манба: www.olympic.uz
Киритилди: 15:24, 03.02.2014. Ўқилди: 3339 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
