Аввал хабар қилганимиздек, 10 февраль куни «Қизилқум» жамоаси Тошкент йиғини доирасида навбатдаги назорат учрашувини ўтказди.
Навоийликларнинг бу галги рақиби Наманганнинг «Навбаҳор» футболчилари бўлди. Учрашувнинг биринчи бўлим тенг курашлар остида кечди. Танаффусдан сўнг, ҳар иккала жамоа таркибида ҳам бир қатор ўзгаришлар амалга оширилди. Бу кончилар учун самарали якун топди.
Учрашувнинг 85-дақиқасида «Қизилқум» ярим ҳимоячиси Шерали Жўраев қулай вазиятда турган ўз жамоадоши Наврўз Алимовга тўпни узатди. Навоийликлар ҳужумчиси чамаси дарвозадан ўн саккиз метрлар узоқликдан кучли зарба бериб, рақиб дарвозабонини доғда қолдирди — 1:0. Ўйин охиригача шу ҳисоб сақланиб қолди.
«Навбаҳор»га қарши баҳсда кончилар бош мураббийи Юрий Лукин қуйидаги футболчилар хизматидан фойдаланди:
Эркин Жабборов, Миржалол Қурбонов, Акмал Холиқов, Асқар Муҳиддинов, Акмал Рустамов, Шерали Жўраев, Самандар Шодмонов, Элдор Бойматов, Руслан Вагапов, Ғайрат Жумаев, Владимир Шишелов.
Захирадан майдонга тушганлар: Сарваржон Холматов, Фарруҳ Ҳайдаров, Абдували Мўминов, Наврўз Алимов.
— Ўйиндан ўйинга жамоамиз ўз ўйинини топиб бораётганидан хурсандман, — дейди «Қизилқум» жамоаси бош мураббийи Юрий Павлович. — Аммо об-ҳавонинг ноқулайлиги режаларимизга салбий таъсир ўтказаётганлигини таъкидлаш зарур. Кеча «Оқтепа» футболчилари билан ўйнашимиз керак эди. Аммо майдонни қалин қор қоплаганлиги туфайли ўйин 11 февралга кўчирилди. Бу эса таркибда кучларни кутилганидек тақсимлашимизга ўз таъсирини ўтказмоқда. Бугун ҳам барча футболчиларни кўздан кечира олмадик. Чунки жамоамиз эртага ҳам майдонга тушишини ҳисобга олишимиз лозим.
Дарҳақиқат, «Навбаҳор» билан кечган баҳсни Артём Макосин, Жамшид Шоҳназаров, Азизбек Усмонов, Азизжон Абдуллаев, Алишер Холиқов, Руслан Санаев каби ўйинчилар майдон четида туриб кузатишди ва индивидуал шуғулландилар. Ўтган мавсумни «Бухоро» жамоаси таркибида ўтказган Алишер Саноев эса айни чоғда жароҳатини даволатмоқда. Шунингдек, асосий таркиб машғулотларига ёш ва умидли дарвозабон Дилшод Ҳамроев («Бунёдкор») келиб қўшилди.
«Қизилқум» жамоаси навбатдаги ўртоқлик учрашувини 11 февралда ўтказади. Унда кончилар биринчи лига вакили — «Оқтепа» футболчилари билан куч синашади. Ўйин соат 13.30 да «Оқтепа» стадионида бошланади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Шўртан
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
