Ўз тарихида иккинчи марта Чемпионлар лигаси плей-офф босқичига чиққан "Галатасарой" бугун ўз майдони - "Турк Телеком"да Моуриньонинг "Челси"сини қабул қилади.
Турклар "Ювентус" ва "Копенгаген"ни ортда қолдириб, ўз гуруҳларида 2-ўринни эгаллашди. "Реал" эса иккала ўйинда ҳам "Галатасарой"ни йирик ҳисобда мағлуб этди. "Челси" эса гуруҳда "Базель"га икки марта ютқазганига қарамай, "Шальке" ва "Стяуа" устидан икки мартадан қозонилган ғалаба эвазига 1-ўрин билан нимчорак финалга чиқди.
Ҳар иккала жамоа ўз миллий чемпионатларида етакчи поғоналарда боришмоқда. Роберто Манчини келиши билан истанбулликлар ўз ўйинларини яхшилашди ва ҳозирда "Фенербахче"дан 4 очко ортда қолган ҳолда, 2-ўринда боришмоқда. "Челси" эса "Арсенал"ни 1 очкога ортда қолдирмоқда. Ҳисобида битта захира ўйинига эга бўлган "Манчестер Сити" лондонликларга етиб олиш имкониятига эга.
Ҳозирда "Галатасарой" шарафини ҳимоя қилаётган Дидье Дрогба 8 йил давомида "Челси"да ўйнаб, мухлисларнинг ёқимтойига айланиб қолган. Бу ҳолат ҳам ўйиндаги интригани оширишга хизмат қилади.
Фактлар
- "Челси" ва "Галатасарой" жамоалари ЕЧЛ-1999/2000да ўзаро тўқнаш келишган. Ўшанда "кўклар" уйда 1:0, сафарда 5:0 ҳисобида ғалаба қозонишган.
- Ушбу мағлубият "Галатасарой" учун ўз уйидаги энг йирик мағлубият бўлганди. ЕЧЛнинг ушбу мавсумида улар ўз уйларида "Реал"га 1:6 ҳисобида имкониятни бой бериб, мазкур натижани такрорлашди.
- "Челси" ЕЧЛ плей-офф босқичида турк клубларига қарши бир марта ўйнаган. Мавсум-2007/2008да улар "Фанербахче" тўсиғидан ўта олишган (1:2, 2:0).
- Роберто Манчини ҳали Жозе Моуриньо жамоасини мағлуб эта олмаган - 2та дуранг ва 2та мағлубият.
- "Галатасарой" ўз тарихида иккинчи марта ЕЧЛ плей-офф босқичига чиқди.
- Дидье Дрогба (42) ва Самуэль Это'О ЕЧЛ тарихидаги энг яхши африкалик тўпурарлар ҳисобланишади.
- Бугунги ўйинда сариқ карточка олса, жавоб ўйинини қуйидаги футболчилар ўтказиб юборишади: Фернандо Муслера, Фелипе Мело ва Жон Оби Микел.
Тахминий таркиблар
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
