Мазкур дам олиш кунлари Европа миллий чемпионатларида бўлиб ўтадиган марказий ўйинларга қисқача превью шаклида тўхталиб ўтамиз.
Италия, 26-тур. "Рома" - "Интер"
- "Рома" А серия доирасида "Интер"га қарши бўлиб ўтаётган ўз уйидаги сўнгги 4та ўйинда мағлубиятга учрамаяпти (3та ғалаба, 1та дуранг).
- "Рома" 1994/95-йилги мавсумдан бери илк марта "Интер"ни бир мавсумда икки марта мағлуб этиши мумкин.
- "Рома" ўз уйида сўнгги марта 2013 йилнинг 7 май куни мағлубиятга учраганди ("Кьево" - 0:1).
- Алессандро Алоренци ушбу мавсум давомида 16 марта алмаштирилган. Бу А сериянинг ушбу мавсумдаги рекорди ҳисобланади.
- "Интер" ҳужумчиси Паласио жамоанинг барча 25та ўйинида майдонга тушган ягона футболчи ҳисобланади.
- "Интер"нинг ушбу мавсумда урган 43та голидан фақат биттаси италиялик футболчига тегишли (Андреа Раноккья).
Англия Лига кубоги, финал. "Манчестер Сити" - "Сандерленд"
- "Манчестер Сити" 1976 йилдан буён илк марта Англия Лига кубогида иштирок этади. Ўшанда улар "Ньюкасл"ни мағлубиятга учрата олишган (2:1).
- "Сандерленд" эса шу пайтгача Англия Лига кубоги финалида бир марта иштирок этган ва "Норвич"га ютқазган (0:1).
- "Манчестер Сити" иштирокидаги барча финаллар ҳамиша (1970, 1974, 1976) 2:1 ҳисоби билан тугайди (икки марта "Сити" фойдасига).
- "Сандерленд" "Манчестер Сити"га қарши сўнгги 5та ўйиндан атиги биттасида ютқазган (3та ғалаба ва битта дуранг).
- "Сандерленд" футболчилари Лига кубогида 19та сариқ карточка олишган. Бу барчадан юқори кўрсаткич. "Сити" ҳисобида эса 6та огоҳлантириш бор.
- "Сити" Лига кубогининг ушбу мавсумида 19-1 кўринишида тўплар нисбатини қайд этиб турибди.
Испания, 26-тур. "Атлетико" - "Реал"
- "Реал" "Висенте Вальдерон" стадионида бўлиб ўтган сўнгги 6та дербида ғалаба қозонган. Шунингдек, "Атлетико" майдонидаги 12та ўйинда мағлубиятга учрамаяпти (10та ғалаба, 2та дуранг).
- "Реал" "Атлетико"га қарши кечаётган сафар ўйинларининг сўнгги 6тасида рақиб дарвозасини камида 2 мартадан ишғол қилмоқда.
- "Атлетико" 1950/51 йилги мавсумдан бери илк марта "Реал"ни бир мавсумда 2 марта мағлуб этиш имкониятига эга.
- "Атлетико" ўз уйидаги чемпионатининг сўнгги 14 ўйинида мағлубиятга учрамаяппти (11 ғалаба, 3та дуранг).
- "Атлетико" сўнггги 6та расмий ўйиндан 4тасида гол ура олмаяпти (жумладан, улардан иккитаси "Реал"га қарши Кубок баҳслари).
- "Реал" сўнгги 26та расмий ўйинда бирорта ҳам мағлубиятга учрамади (22 ғалаба ва 4 дуранг).
Италия, 26-тур. "Милан" - "Ювентус"
- "Милан" ўз уйида "Ювентус"га қарши бўлиб ўтган сўнгги 7та ўйиндан биттасида ютқазган (3та ғалаба, 3та дуранг).
- Бу жамоаларнинг ўзаро ўйинида энг кўп қайд этилган натижа - дуранг: 57та дуранг, 56та "Ювентус" ғалабаси ва 48та "Милан" ғалабаси.
- "Ювентус" 1994/95-йилги мавсумдан бери илк марта "Милан"ни бир мавсумда икки марта мағлуб этиши мумкин.
- "Милан" ҳозирда 25 турдан кейин 35 очкога эга бўлиб турибди. Миланликлар сўнгги марта 1996/97 йилда худди шундай паст натижа қайд этишганди.
- Италия чемпионатининг ушбу мавсумида "Милан"нинг 16 нафар футболчиси гол уришга муваффақ бўлишган. Бу мусобақадаги энг юқори кўрсаткич. "Ювентус"нинг голлари эса 14 нафар футболчи ҳисобига ёзилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
