Ўзбекистон ҳамда БАА терма жамоалари ўртасидаги учрашув якунланди. Ўйинда 1:1 ҳисобидаги дуранг натижа қайд этилди.
Ўйинни терма жамоамиз ҳужумлар билан бошлади. Илк дақиқаларданоқ Жасур Ҳасанов қанотдан олдинга борди ва тўпни дарвоза яқинига узатиб берди. Лекин бу ерда Воҳид Шодией тўпга зарба бера олмади. БАА илк хавфли вазиятни тайм ўртасида юзага келтирди. Аҳмад Ҳалил жарима зарбасини жуда чиройли амалга оширди, лекин Суюнов ишончли ўйнади. 25 дақиқада Одил Аҳмедов ўнг қанотдан олдинга борди ва тўпни ажойиб тазрда жарима майдонига узатди. Сервер Жепаровнинг бош билан берган зарбасига озгина аниқлик етишмади. Ҳеч қанча вақт ўтмай терма жамоамиз яна қанотдан олдинга борди ва жарима майдонига яқин жойда футболчимизга қарши қўполлик ишлатилди. Жарима зарбасини Сервер ажойиб тарзда амалга оширди. Игор Сергеевнинг бош билан берган зарбасини дарвозабон эгаллаб олди. Шу тариқа биричи бўлимда ҳисоб очилмади.
Иккинчи бўлимни ҳам терма жамоамиз ҳужумлар билан бошлади ва катта устунликка эга бўлди. Виталий Денисовнинг қанотдан уюштирган рейди жуда яхши чиқди. Унинг пасидан кейин Воҳид Шодиев тўпни тепди, лекин ҳимоячи уни майдондан ташқарига чиқариб юборди. Кейинчалик термамизнинг қанойтдан уюштирган ҳужумлари зарбагача етиб бормади. 67-дақиқага келиб ўйинда ҳисоб очилди. Меҳмонларимиз марказдан ҳужум уюштиришди ва дарвоза яқинида тўпни эгаллаб олган ҳужумчи Денисовни алдаб ўтди ва ҳисобни очди. Шу вазиятдан кейин устунлик БААга ўтди. Лекин 84-дақиқага келиб ҳисоб тенглашди. Сардор Рашидовнинг қанотдан етказиб берган тўпини Игор Сергеев бош билан дарвозага михлаб қўйди. Шу тариқа ўйинда дуранг натижа қайд этилди.
ОК-2015 саралаши.
Ўзбекистон - БАА 1:1
Голлар: Игорь Сергеев(85) - Исмоил Ал Ҳаммади(67).
Ўзбекистон: Элдор Суюнов, Шавкат Муллажонов, Виталий Денисов, Ислом Тўхтахўжаев, Одил Аҳмедов, Жасур Ҳасанов (Сардор Рашидов, 64), Азиз Ҳайдаров, Санжар Турсунов (Жамшид Искандеров, 64), Сервер Жепаров Игорь Сергеев, Воҳид Шодиев (Иван Нагаев, 76).
БАА: Али Ҳасиф, Волид Аббос, Ҳабиб Ал Фардан (Амир Абдулраҳмон, 63), Али Мабхут, Ҳамдан Ал Камоли, Аҳмад Ҳалил (Салим Солиҳ, ), Ҳамис Исмоил, Муҳаммад Абдулазиз, Аҳмад Ҳамис (Исмоил Ал Ҳаммади, 46), Мажид Ҳассан, Исмоил Аҳмад.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
