Бугун тунда футбол ишқибозларининг бор диққат эътибори Мадриддаги «Сантяго Бернабеу» стадионига қаратилади. Нафақат Испаниянинг балки жаҳоннинг 2 та гранд жамоаси «Реал» ва «Барселона» клублари ўзаро тўқнаш келадилар. Сизнинг эътиборингизга ушбу жамоаларнинг учрашувлари тарихидаги қизиқарли мақолани тақдим этамиз.
Испания чемпионатида: 167 ўйин
«Реал»: 70 ғалаба
«Барселона»: 65 ғалаба
Дуранг: 32 та
Тўплар нисбати: 271-261 «Реал» фойдасига
Мазкур жамоалар Испания чемпионатида 167 марта ўзаро рақиб сифатида майдонга тушишган. Ана шу ўйинларнинг 70 таси «Қироллик клуби»нинг ғалабаси билан якун топган бўлса, «Барса»да ғалабалар сони 65 тани ташкил қилмоқда. Жамоалар 32 та беллшувда муроса кўчасини танлашга мажбур бўлишган. Мадридликлар 271 та, Каталонияликлар эса 261 та тўп киритишга муваффақ бўлишган.
Испания кубогида: 33 ўйин
«Реал»: 11 ғалаба
«Барселона»: 15 ғалаба
Дуранг; 7 та
Тўплар нисбати: 65-63 «Барселона» фойдасига
Чемпионат ўйинларида устунлик «Реал» тарафида бўлса, Испания кубогида «Барселона» устунлик қилмоқда. Ўтказилган 33 та учрашувда «Барса» 15 та ғалабани расмийлаштирган. «Реал» футболчилари эса 11 марта ғалаба нашидасини суришган. Шунингдек 7 та учрашув дуранг билан якун топган. Тўплар нисбати эса 65-63. Каталонияликлар фойдасига. Апрел ойида кубок финалида ушбу натижалар янгиланиши аниқ.
Испания Лига кубогида: 6 ўйин
«Реал»: 0 ғалаба
«Барселона»: 2 ғалаба
Дуранг: 4 та
Тўплар нисбати: 13-8 «Барселона» фойдасига
Испанияда Англияда бўлгани сингари Лига кубоги турнири ҳам ўтказилган. Фақат қисқа муддат. Қизиғи лига кубогида «Реал» «Барселона»ни мағлубиятга учрата олмаган. 6 та учрашувнинг 4 таси Каталонияликлар фойдасига ҳал бўлган бўлса, 2 таси дуранг билан ўз якунига йетган.
Испания суперкубогида: 12 ўйин
«Реал»: 6 ғалаба
«Барселона»: 4 ғалаба
Дуранг: 2 та
Тўплар нисбати: 25-17 «Реал» фойдасига
Испания суперкубогида сўнгги йилларда «Эл-классико»ни кўп кузатмоқдамиз. Томонлар 12 марта суперкубокда ўзаро рақиб бўлишган. «Реал» 6 марта, «Барса» 4 марта ғалабани ўз томонига оғдирган бўлса, 2 та учрашув муроса билан тугаган. Тўплар нисбати бўйича эса «Реал» бироз олдинга чиқиб кетган 25-17.
Чемпионлар лигасида: 8 та
«Реал»: 3 ғалаба
«Барселона»: 2 ғалаба
Дуранг: 3 та
Тўплар нисбати: 13-10 «Реал» фойдасига
Чемпионлар лигасида мухлислар 8 марта «Эл-классико»га гувоҳ бўлишган. Сўнгги марта жамоалар 2012-йилда ½ финалда рўбаро келишган эди. Ўшанда «Барселона» 2 ўйин натижасига кўра финалга ёъл олганди. Бироқ, ўзаро ўйинларда барибир «Реал» 1 та кўп ғалаба қозониб олдинда бормоқда. Бу йилги ярим финалда ушбу жамоалар яна ўзаро тўқнаш келиб қолишса ажаб эмас.
Умумий: 236 ўйин
«Реал»: 90 ғалаба
«Барселона»: 88 ғалаба
Дуранг: 48 та
Тўплар нисбати: 380-367 «Реал» фойдасига
«Реал» ва «Барселона» азалий рақиблар эканлигига шубҳа қилсангиз, ушбу жамоалар ўзаро 236 марта тўқнаш келганликларини билганинггиздан сўнг бу шубҳангиз тезда тарқалиб кетиши аниқ. «Реал» 90 марта, «Барса» эса 88 марта «классико»ни ўз фойдаларига ҳал қилишган. Кўриб турганинггиздек, орадаги фарқ катта эмас. Тўплар нисбатидаги фарқ +13 «Реал» фойдасига.
Жамоаларнинг чемпионат ўйинларидаги турли хил натижаларига назар солиб ўтсак.
«Сантяго Бернабеу»даги охирги 5 та учрашув: 2-1, 1-3, 1-1, 0-2, 2-6
«Бернабеу»даги сўнгги учрашувда «галактикос» 2:1 ҳисобида ғалаба қозонган эди. Бироқ, ундан олдинги 4 та учрашувда жамоа омадсизликка учраган. 2009-йилда «Барселона» «Реал» майдонидан йирик 2:6 ҳисобидаги ғалаба билан қайтганлиги эса кўпчиликнинг эсидан чиқиб улгурмаган бўлса керак.
«Камп Ноу»даги охирги 5 та учрашув: 2-1, 2-2, 1-2, 5-0, 1-0
«Камп Ноу»даги сўнгги беллашув ҳам мезбонларнинг 2:1 ҳисобидаги ғалабаси билан якун топган. 2013-йилги мавсумда Месси ва Роналдо 2 тадан тўп киритишиб, баҳсни дуранг билан тугашини таъминлашган бўлса, 2012-йилги мавсумда Моуриньо бошчилигидаги «Реал» Каталонияда чемпионлик масаласини ҳал қилиб қайтган эди. 2011-йилги мавсумда эса Гуардиола бошчилигидаги «Барса» «Реал»ни «янчиб» ташлаган эди – 5:0.
Испания чемпионатидаги йирик ғалабалар:
03.02.1985 «Реал» - «Барселона» 8-2
18.09.1949 «Реал» - «Барселона» 6-1
25.10.1953 «Реал» - «Барселона» 5-0
07.01.1995 «Реал» - «Барселона» 5-0
«Реал» чемпионатда «Барса»ни 4 марта 5 та ва ундан ортиқ тўп фарқи билан таслим қилган. Иккала жамоа ўртасидаги энг йирик ҳисоб эса 1985-йилда қайд этилган. Ўшанда «Реал» «Барселона»ни 8:2 ҳисобида мағлубиятга учратган. Шунингдек «Бланкос» футболчилари 1 марта 6:1, 2 марта 5:0 ҳисобида азалий рақибларини мағлубиятга учратишган.
24.09.1950 «Барселона» - «Реал» 7-2
25.03.1945 «Барселона» - «Реал» 5-0
24.09.1974 «Реал» - «Барселона» 0-5
21.04.1985 «Барселона» - «Реал» 5-0
09.01.1994 «Барселона» - «Реал» 5-0
29.11.2010 «Барселона» - «Реал» 5-0
«Барселона» «Реал» устидан нақ 5 марта 5:0 ҳисобида устун келган. Боз устига улардан 1 таси 1974-йилда сафарда қайд этилган. 1950-йили «Барса» «Реал»ни 7:2 ҳисобида мағлуб қилган.
Жанговор дурнаг:
10.01.1943 «Барселона» - «Реал» 5-5
1943 йилда жамоалар футбол майдонида «хоккей» ўйнашган. Ўшанда иккала жамоа вакиллари ҳам 5 мартадан дарвозаларга тўп киритиб, жанговор дуранг натижага эришишган.
Драматик учрашув:
04.02.1960 «Барселона» - «Реал» 3-5
1960-йилда Йевропанинг энг гегемон 2 та жамоаси «Камп Ноу»да учрашишади. Ўшанда «Реал» 5:3 ҳисобида зафар қучиб «Олтин давр»ини бошлаган эди.
Қайд этилган ҳисоблар:
2:1 – 30 марта
1:0 – 21 марта
2:0 – 19 марта
1:1 – 15 марта
3:0 – 14 марта
3:1 – 12 марта
3:2 – 11 марта
0:0 – 8 марта
5:0 – 7 марта
2:2 – 6 марта
4:0 – 4 марта
4:1 – 4 марта
5:1 – 4 марта
4:2 – 3 марта
3:3 – 2 марта
6:1 – 1 марта
6:2 – 1 марта
7:2 – 1 марта
4:3 – 1 марта
5:3 – 1 марта
5:5 – 1 марта
8:2 – 1 марта
Испания чемпионатидаги 167 учрашувда 22 хил ҳисоб қайд этилган. Улар орасида энг оммабоплари 2:1 ва 1:0 ҳисобларидаги минимал ғалабалардир. 5:0 ҳисоби 7 марта қайд этилгани диққатга сазовор натижадир. Шунингдек 6:1, 6:2, 5:5, 8:2 ҳисоблари ҳам рўй берган.
Йирик ҳисоблар бўйича: «Реал» - «Барселона» 21-16
«Эл-классико»да жамоаларнинг кучлари тенг бўлса ҳам, баъзида уларнинг бири йирик ҳисобда ғалабани тантана қилиб туришади. «Реал» 21 марта, «Барселона» эса 16 бора «Классико»ни йирик ғалаба билан якунлаган. Бугунги беллашувда қайсидир жамоанинг йирик ғалабасини таҳмин қилиш қийин. Бироқ, уларнинг биттасинингн ўйини очилиб қолса, балки яна бир бор таблода йирик ҳисоб қайд этилса ажаб эмас.
Юсупов Фурқат
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
