Тошкент вақти билан соат 13:00дан бошлаб Австралиянинг Сидней шаҳрида Осиё кубоги-2015 мусобақасининг финал босқичига қуръа ташлаш маросими бошланади.
Ҳозирда мазкур тадбирга сўнгги тайёргарлик ишлари олиб борилмоқда. Кубок пароходда маросим бўлиб ўтадиган Опера театри биносига олиб келинди. Тадбир ўтаётган барча жойларда иштирокчи 16та давлатнинг байроқлари илинган, жумладан, Ўзбекистон байроғи ҳам хилпираб турибди.
Ушбу саҳифа орқали қуръа маросимидан матнли трансляция қилишда давом этамиз. Саҳифани вақти-вақти билан янгилаб туришни сўраймиз.
12:36. Ўзбекистон миллий терма жамоаси бош мураббийи Миржалол Қосимов Австралияга етиб борган.
12:40. Мана ўша осиёликларнинг орзуси бўлган Кубок:
12:50. Қуръа ташлаш маросимига барча нарса тайёр. Яна 10 дақиқадан кейин тадбир бошланади.
13:00. Маросим бошланди. Саҳнада Австралия давлатининг қадимий аждодлари ҳисобланаган аборегенлар қиёфасидагилар миллий рақсларни ижро этишмоқда.
13:10. Бундай маросимларда анъанага кирганидек, маросимни бир эркак ва бир аёл бошловчилар олиб боришмоқда. Улар маросимга ташриф буюрган фахрий меҳмонларни барча таништиришмоқда.
13:13. Осиё кубоги-2015 ташкилий қўмитаси раиси Фрэнк Лоуи нутқ сўзламоқда.
13:17. ОФК томонидан Осиё кубоги-2015 ташкилий қўмитаси раиси Абдуллоҳ бин Султон Аҳмад Шоҳ ҳам нутқ сўзламоқда. Ҳозирча маросимнинг расмий кириш қисми давом этмоқда.
13:20. Осиё кубоги мусобақасининг аввалги ғолиблари ҳақида видеолавҳалар намойиш этилди. Навбат яна қисқа концерт дастурига берилди. Шундан сўнг қуръа ташлаш маросими бошлашса керак. Кутамиз.
13:26. Осиё кубоги-2015 ўтадиган 5та шаҳар — Ньюкасл, Камберра, Брисбан, Мельбурн, Сидней шаҳарлари видеороликлар орқали презентация қилинди.
13:30. Ниҳоят, видеоролик орқали саватчалар таркиби ва қуръа механизми тушунтирилмоқда. Буниси энди сизу биз учун маълум.
13:34. Австралиялик футболчи Бретт Эмертон КУБОКни саҳнага олиб чиқди.
13:36. Қуръа жараёнинини ўтказиш учун саҳнага ОФК мусобақаларни ўтказиш қўмитаси директори Дато Алекс Сусей таклиф этилди. Биз кутаётган жаарён бошланишига оз вақт қолди. Экранда Осиё кубоги-2015 иштирокчилари қисқа видеоролик тарзда таништирилмоқда.
13:42. Бошладик! 4-саватча! Биринчи жамоа Кувайт. Демак, Осиё кубоги-2015 очилиши баҳси - Австралия - Кувайт!
13:52. Қуръа жараёни якунланди. Демак, Ўзбекистон "В" гуруҳида Саудия Арабистони, Хитой ва КХДР терма жамоалари билан баҳс олиб боради. Қуръа натижалари ёмон эмас, назаримизда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
