Жозе Моуриньо: "Иброҳимович ЕЧЛни ютмоқчи, бу эса уни янада хавфлироқ қилади"
"Челси" бош мураббийи Жозе Моуриньо ЕЧЛ чорак финалининг "ПСЖ"га қарши ўйинлари олдидан ўз фикрларини билдириб ўтди.
"Мен Мотта ва Максвелл ва Иброҳимович билан бирга ишлаганмн. Улар тарихий бир даврда "Интер"да жамланишганди.
Златан - алоҳида эътиборга молик ўйинчи. У барча ички чемпионатларни ютган ва энди ЕЧЛда ҳам ғалаба қозонмоқчи. Бу - унинг мақсади ва у бу мақсад йўлида ҳаракат қилмоқда. Айни шу нарса Златанни янада хавфлироқ бўлишига олиб келмоқда.
"ПСЖ"нинг ЕЧЛдаги тажрибаси кам, лекин сифатли таркиб ва бир гуруҳ ҳужумкор ўйинчилар эвазига буни билинтирмаслиги мумкин.
Бизда босим йўқ. Воқеалар ривожи мени тўла қониқтирмоқда. Лекин бу билан мени баландпарвозликда айблашларини истамасдим. Шунинг учун имкониятлар 50га 50 дейман", - деди Моуриньо.
Манба: www.sports.ru
Киритилди: 11:52, 28.03.2014. Ўқилди: 3084 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар