Олдинроқ Чемпионлар лигаси тарихидаги энг яхши тўпурарлар ҳақидаги мақолани тақдим этган эдик. Бу сафар ЧЛдаги энг яхши Африкалик тўпурарлар 10 талиги ҳақида маълумот бериб ўтамиз.
1. Диде Дрогба (Кот-д’Ивуар) 84 ўйин – 42 гол (11 мавсум)
«Марсел»: 6 ўйин – 5 гол
«Челси»: 69 ўйин – 34 гол
«Галатасарой»: 9 ўйин – 3 гол
Диде ушбу рўйҳатни ҳали узоқ вақт бошқариб туриши аниқ. Дрогба нуфузли турнирда 84 та учрашувда иштирок этиб, 42 та гол киритишга муяссар бўлган. Голларининг 80 % ини «Челси» таркибида нишонлаган. Ивуарлик ҳужумчи 5 марта «дубл», 2 бора «хет-трик» қайд қилганлиги ҳам диққатга сазовор.
2. Самуел Ето’О (Камерун) 75 ўйин – 30 гол (10 мавсум)
«Реал»: 3 ўйин – 0 гол
«Малорка»: 5б ўйин – 1 гол
«Барселона»: 38 ўйин – 16 гол
«Интер»: 23 ўйин – 10 гол
«Челси»: 6 ўйин – 3 гол
Африкаликлар орасида иккинчи тўпурар бу Ето’Одир. Самул айни пайтга келиб турнирда 75 та учрашувда майдонга тушиб, 30 та голга муаллифлик қилган. У ЧЛда 5 та жамоа таркибида майдонга тушган ва уларнинг 4 тасида гол урган ягона африкалик футболчи ҳисобланади. Камерунлик ҳужумчи ЧЛда 2 тадан «дубл» ва «хет-трик»ка эришган.
3. Жорж Веа (Либерия) 16 ўйин – 11 гол (3 мавсум)
«ПСЖ»: 10 ўйин – 7 гол
«Милан»: 6 ўйин – 4 гол
1995-йилги «Олтин тўп» соҳиби Веа ЧЛда атиги 3 мавсум тўп сурган холос. 16 ўйинда киритган 11 та голи уни Африкалик 3-рақамли тўпурар бўлиб туришини таъминламоқда. Жорж «ПСЖ»да 7, «Милан»да 4 та тўп киритишни уддалаган. Либериялик ҳужумчи ҳисобида шунингдек 1 та «дубл» қайд этилган учрашув ҳам бор.
4. Эммануел Адебайор (Того) 44 ўйин – 11 гол (6 мавсум)
«Монако»: 17 ўйин – 1 гол
«Арсенал»: 21 ўйин – 8 гол
«Реал Мадрид»: 6 ўйин – 2 гол
Адебайор Чемпионлар лигасида ўртача 4 та ўйинга 1 тадан гол урган. Яъни 44 учрашувда 11 гол. Бу натижага эришиш учун Эммануелга 6 мавсум керак бўлган. Тоголик ҳужумчи ўзи тўп сурган 3 та жамоа «Монако», «Арсенал» ва «Реал»да ҳам гол киритишга муваффақ бўлган. Адебаёр 2 та ўйинда «дубл»га эришган.
5. Майкл Эссен (Гана) 74 ўйин – 11 гол (10 мавсум)
«Лион»: 18 ўйин – 5 гол
«Челси»: 49 ўйин – 6 гол
«Реал Мадрид»: 7 ўйин
Эссен фаолиятини давом эттираётганлигини инобатга олсак, 1 та гол урса кучли учликка кириб олиш имконияти мавжуд. Майкл 10 мавсум давомида 74 та ўйинда қатнашиб, 11 голга муаллиф бўлган. У «Лион»да 5 та, «Челси»да 6 та тўп киритади. Ярим ҳимоячи учун бу ёмон натижа эмас. Ганалик футболчи 1 ўйинда «дубл»га эришган.
6. Обафеми Мартинс (Нигерия) 34 ўйин – 9 гол (6 мавсум)
«Интер»: 25 ўйин – 9 гол
«Волфсборг»: 4 ўйин
«Рубин»: 5 ўйин
Мартинс турнирда гарчи 3 та жамоа сафида майдонга тушган бўлса ҳам, фақатгина «Интер»да гол уришга эришган. «Нерадзуррилар» таркибида киритган 9 та голи ҳам уни африкалик тўпурарлар 10 талигидан жой олишини таъминламоқда. Обафеми «Волфсборг»да 4, «Рубин»да 5 та ўйинда майдонга тушган.
7. Бенни Маккарти (ЖАР) 28 ўйин – 8 гол (4 мавсум)
«Аякс»: 5 ўйин
«Порту»: 23 ўйин – 8 гол
Маккарти мусобақада 2 та жамоа шарафини ҳимоя қилиб майдонга тушган. «Аякс» таркибида 5 ўйинда иштирок этади, бироқ гол уриш насиб қилмайди. «Порту»да эса 23 баҳсда 8 та тўпга муаллифлик қилади. Жанубий Африкалик футболчи 8 та голини 4 мавсум давомида киритган.
8. Маруан Шамах (Марокаш) 54 ўйин – 8 гол (6 мавсум)
«Бордо»: 19 ўйин – 5 гол
«Арсенал»: 11 ўйин – 3 гол
Шамах ҳужумчи ҳисобланиши боис, унинг статистикаси у қадар юқори эмас. 54 ўйинда 8 гол. Деярли 7 учрашувда 1 тадан гол дегани. Маруан «Бордо» таркибида 5 марта, «Арсенал»да эса 3 бора рақиблари дарвозаларини аниқ «нишон»га олган. Марокашлик футболчи ЧЛда 6 мавсум ҳаракат қилган.
9. Саломон Калу (Кот-д’Ивуар) 54 ўйин – 8 гол (7 мавсум)
«Челси»: 49 ўйин – 7 гол
«Лилл»: 5 ўйин – 1 гол
Саламон «Челси»да ўзининг ёрқин дамларини ўтказди. «Аристократлар» таркибида 49 та ўйинда 8 тўпни дарвозага киритган бўлса, «Лилл»даги натижаси 5 ўйинда 1 гол. Ивуарлик футболчи 7 мавсумда иштирок этган ва унинг ҳисобида 1 ўйинда киритилган «дубл» ҳам бор.
10. Сейду Думбия (Кот-д’Ивуар) 9 ўйин – 7 гол (2 мавсум)
«ЦСКА»: 9 ўйин – 7 гол
Думбиянинг ўртача кўрсаткичлари юқоридаги футболчиларникига қараганда анча баланд. Сейду 9 та учрашувда 7 та гол киритган. Бу натижага фақатгина «ЦСКА»да эришган. Ивуарлик ажойиб ҳужумчи турнирда 3 та «дубл» қайд этганлигини ҳам алоҳида таъкидлаш жоиз. Бу борада у фақатгина ҳамюрти Дрогбадан ортда қолмоқда холос.
Юсупов Фурқат
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
