"Барселона" ўз ҳамшаҳарлари — "Эспаньол"га қарши ўйинда жуда қийин ғалабага эришди.
Ўйиннинг биринчи бўлимида Мартино шогирдлари сон-саноқсиз хужум ташкил қилди. Ҳатто Неймар яқин масофадан бўш қолган дарвозага тўпни тўғрилаб қўя олмади. Айнан бразилиялик футболчининг ўзи бўлим сўнгида ўткир бурчак остида зарба беришда бироз адашди. Мессининг дарвозабон устидан тўпни ошириб йўллаган зарбаси эса дарвоза тўрининг устига келиб тушди. Мезбонларда ҳам бир нечта қулай имкониятлар бўлди. "Тўтиқуш"лар катта иштиёқ билан ўйнаганини таъкидлаш лозим.
Иккинчи бўлимнинг биринчи бўлими анча сокин ўтди. Аммо иккинчи ярми эса бутун ўйинга таътигулик воқеаларга бой бўлди. Аввалига, бурчак тўпидан кейин Пике дарвоза тўсинини ларзага келтирди. Орадан кўп ўтмай ҳакам мезбонлар дарвозаси томон пенальти белгилади. Тўп диагонал тарзда ўнг қанотдан жарима майдончасига етказилди. Неймар тўпни кўкраги билан қайтариб, дарвозабон билан бирга -бир вазиятга чиқиши мумкин бўлган вазиятда унинг ёнида турган ҳимоячи Хави Лопес қўлини баланд кўтариб, тўпни қайтариб қолди. Месси кучсиз зарба билан Франсиско Касильяни доғда қолдирди.
82-дақиқада эса дарвозабон "қаҳрамонлик" кўрсатди. Ўзига қарши Мессининг келаётганини кўрган посбон жарима майдончаси тарк этди ва Месси томонидан ўзининг устидан ўтказиб юборилаётган тўпни қўллари билан очиқчасига қайтариб қолди! Натижада қизил карточка билан "сийланди". Қизиқ томони, мезбонлар барча ўзгаришларини амалга ошириб бўлишганди. Шунинг учун Касилья ўз футболкаси ва қўлқопларини ҳимоячи Хави Санчесга қолдирди. Бу ўйновчи-дарвозабон эса ўйин сўнггига қадар 2 марта қаҳрамонлик кўрсатди. Ҳар сафар бирга-бир вазиятда Алексис Санчесдан устун келди.
Ушбу ғалабадан кейин "Барселона" ўз очколарини сонини 75тага етказди ва "Атлетико"дан 2 очкога ўтиб кетди. Мадридлар бугун (Тошкент вақти билан соат 00:00да) Бильбаода "Атлетик" меҳмони бўлади. Симеоне учун жиддий синов.
Испания чемпионати, 31-тур
Эспаньол – Барселона 0:1 (0:0)
Гол: 0:1 – 77, пенальти Месси.
"Эспаньол" Касилья, Хави Лопес, Колотто, Морено (Сидней, 49), Фуэнтес, В.Санчес, Д.Лопес, Стуани, Пицци (Алекс Фернандес, 65), Симау (Кордоба, 78), Серхио Гарсия.
"Барселона": Хосе Пинто, Дани Алвес, Пике, Маскерано, Альба, Бускетс, Хави, Фабрегас (С.Роберто, 90), Педро (Иньеста, 77), Месси, Неймар (Санчес, 81).
Огоҳлантиришлар: Стуани (26), Колотто (35), Бускетс (45), Хави Лопес (75), В.Санчес (86), Альба (90).
Четлатиш: Касилья (83).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Португалия
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
