Мен илк мақолам бугунги кунда жаҳон футболида муҳим ўрин тутган, лекин бизнинг футболимизда жиддий эътибор берилмайдиган футбол агентларининг ўрни ва уларнинг футболимизга фойдали тарафларини ҳақида.
Маълумки, бугунги кунда йирик трансферларда, футболчиларнинг олди-сотдисида агентларнинг роли жуда катта. Гарет Бэйлнинг «Тоттенхэм»дан «Реал М» жамоасига футбол оламидаги энг йирик трансферлардан бири 100 млн. еврога ўтишини агентларнинг «санъат асари» иши десак ҳам бўлаверади. Чунки буерда агентларни маҳорати эвазига Бэйл шунча сумма эвазига Мадридга кўчиб ўтди деб ўйлайман. Бэйлга ҳурмат сақлаган ҳолда шуни айтишим мумкинки, ундан маҳоратли футболчилар ҳам талайгина топилади.
Италиялик машҳур футбол агенти Мино Райола ўз мижозларини ажойиб тарзда топ клубларга жойлаштириш санъатига эга. Бунга мисол Иброҳимович «Аякс»дан «Ювентус»га ўтганда ёки Балотеллини “Интер”га келган пайтида суперюлдуз даражасида эди дея олмаймиз. Яна бир мисол, «Челси»да жавлон ураётган Нигериялик Жон Оби Микел Норвегия чемпионатида ўйнаб юрган пайтида Лондон суперклубининг асосий таркибида тўп суришни ҳатто етти ухлаб ҳам хаёлига келтирмаган бўлса керак. Кимдир айтиши мумкин, у «Челси» скаутларининг топилмаси, дея, лекин шундай «топилмалар»ни гранд клублар таркибига жойлаштириш ўзига хос меҳнатни талаб қилади. Бу ерда агентлар жуда яхши ишлагани кўриниб турибди. Ахир ким ҳам ҳеч ким танимийдиган футболчиларга катта пуллар тўлагиси келади?
Хўш агентларнинг бизнинг футболга қандай фойдаси тегиши мумкин? Биринчидан, футболчилар ҳорижга чиқиш имкониятига, иккинчидан, ўзига жамоа топишга эмас, бор эътиборини футбол ўйнашга қаратишга учинчидан сифатли шартномаларга эга бўлади. Сўнги вақтларда ёшларимиз ва ўсмирларимиз ЖЧларида мунтазам иштирок этиш билан бирга ижобий натижаларга ҳам эришмоқда. Лекин бирорта футболчимиз «кучли бешлик» тугул ўртамиёна чемпионатлар ҳисобланган Голландия, Белгия, Португалия, Швейцария, Туркия каби чемпионатларига ҳам ўтишмади. Нима учун бизнинг жамоадан мағлубиятга учраб гуруҳда қолиб кетган хорватиялик футболчилар «Барселона» ёки «Фиорентина» каби жамоалар билан шартномалар имзоламоқда. Нима, улар бизнинг футболчиларимиздан 2 баробар кучли деб ўйлайсизми? Йўқ, албатта. Фақат уларда агентлик тизими аъло даражада иш олиб боради. Бизнинг футболчиларга эса нари борса қизиқмоқда ҳолос. Ўйлайманки, бизнинг футболчилар ҳам бемалол Европада ўйнай оладилар, фақат уларга озгина эътибор ва йўналиш бериш керак. Бунинг учун эса бизга професионал футбол агентларинини ёрдами жуда зарур!
Бугунги кунда умуман фойдаси тегмаётган Терма жамоалар маркази фаолиятини тугатиб, унинг ўрнига ЎФФ қошида Сифатли футбол агентлиги ва Мураббийлар малакасини ошириш каби мактабларни ташкил этса, футболимизга фойдаси кўпроқ тегармиди балки. Бундай мактабларни номига ташкил қилмасдан хориж жамоалари билан ҳамкорликларни йўлга қўйиш керак! Агар футбол агентлари ёрдамида футболчиларимизни Европа ва бошқа хориж жамоаларига трансферлари тизимини яхши йўлга қўя олсак, бу нафақат футболчиларимизга, балки Олий лига клубларимизга ҳам моддий тарафдан ҳам ёрдам беради ва ички чемпионатимизда ҳам рақобат ошган бўларди. Ички чемпионатдаги рақобатнинг ошиши ва легионерлар сонининг ошиши эса ўз-ўзидан МТЖга жуда катта фойда бўларди. Умид қиламизки, ЎФФ ушбу фикрларимизни ўйлаб кўради.
Бурхонбeк Абдумўминов. FCYUVENTUS никли мухлис
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
