«Насаф» Олий лиганинг 5-тури доирасда «Нефтчи»ни қабул қилди ва иродали ғалабани қўлга киритди. Очко сув ва ҳаводек зарур бўлган фарғоналиклар мезбонларга жиддий қаршилик кўрсатишди.
Биринчи бўлимда катта ташаббусга эга бўлган Бердиев шогирдлари рақиб дарвозасига йўл топа олишмади. Дарвозабон Ғайрат Ҳасанов ва мудофаа чизиғи вакиллари тартибли ўйнаб хавфни бартараф этишди.
Иккинчи бўлимда эса Руслан Мелзиддинов "Насаф" ҳимоячилари хатосидан фойдаланиб, ҳисобни очди. Ушбу гол қаршиликларни "уйғотди" улар 10 дақиқа ичида нафақат ҳисобни тенглаштиришди, балки ҳисобда ҳам олдинга чиқиб олишди. Дастлаб Геворкян етказиб берган тўпни Шомуродов бош билан дарвозага жойлаб қўйди. Орадан 5 дақиқа ўтиб, Жаҳонгир Жиямуродов жарима майдончаси ичида Шуҳрат Муҳаммадиев нисбатан ўйин қоидасини бузди ва Эрматов пенальти белгилади. Пенальтишунос Геворкян Ғайрат Ҳасановни доғда қолдира олди.
Голдан руҳланган қаршиликлар яна олдинга ўтишди, аммо уларга бошқа гол ура олишмади. Вазиятдан фойдалана олишмагани учун Бердиев шогирдлари жазоланишлари мумкин эди. Иккинчи бўлимга қўшиб берилган дақиқаларда Рўзимбой Аҳмедов узоқдан йўллаган зарба Суюнов қўриқлаётган дарвозанинг устунига тегиб қайтди.
Шу тариқа "Насаф" ўз очколари сонини 10тага етказган бўлса, "Нефтчи" ҳамон ғалаба нималигини билмай, 2 очко билан чекланиб қолмоқда.
ОЛИЙ ЛИГА, 5-ТУР
17:30. “НАСАФ” – “НЕФТЧИ” - 2:1
Голлар: Илҳом Шомуродов (60), Артур Геворкян (66-пен) — Руслан Мелзиддинов (57)
Огоҳлантиришлар: Фарруҳ Сайфиев (90+2) — Руслан Мелзиддинов (2), Иқбол Бобохонов (45+2), Александр Клецков (90+3)
“Насаф”: 25. Элдорбек Суюнов, 4. Мақсуд Каримов, 5. Ботир Қораев, 9. Илҳом Шомуродов (38. Дониёр Нарзуллаев 90+3), 10. Кенжа Тўраев (29. Улуғбек Дадабоев 87), 17. Артур Геворкян (с), 20. Эркин Бойдуллаев, 27. Илҳом Юнусов (33. Одилжон Ҳамробеков 81), 28. Шуҳрат Муҳаммадиев, 32. Ҳамза Каримов, 34. Фарруҳ Сайфиев.
Захира: 1. Михаил Наумов, 7. Акрамжон Баҳриддинов, 23. Шерзод Аъзамов, 41. Азамат Алланиязов.
“Нефтчи”: 21. Ғайратжон Ҳасанов, 4. Жаҳонгир Жиямуродов, 5. Иқбол Бобохонов, 8. Азиз Алижонов (30. Отабек Зокиров 58), 11. Носир Отақўзиев, 13. Александр Клецков, 20. Дилёрбек Эрматов (с), 24. Сайдулло Раҳматов (22. Рўзимбой Аҳмедов 74), 28. Абдуллоҳ Олимов, 29. Руслан Мелзиддинов (15. Зоҳид Абдуллаев), 32. Жаҳонгир Меҳмонов.
Захира: 1. Сардор Қобулжонов, 2. Максимилиан Фомин, 7. Александр Оника, 9. Павел Смоляченко
Ҳакамлар: Р.Эрматов, А.Расулов, Х.Мирзааҳмедов, Д.Досанов
Назоратчи: Д.Роман.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
