Рўзиқул Бердиев: «Ўринбосарлар асосий жамоага яқин тактик усулларни қўллаши керак»
"Насаф" - "Нефчти" жамоалари ўртасидагўйиндан кейинги матбуот анжуманининг иккинчи қисмида қаршиликлар бош мураббийи Рўзиқул Бердиев иштирок этди:
— Барча мухлисларимизни бугунги ғалаба билан табриклайман. Учрашув қизиқарли ўтиши учун гол керак эди. Ёки ўзимизнинг дарвозага, ёки уларнинг дарвозасига (залда кулгу)! Ҳимоядаги қўпол хато туфайли гол ўтказиб юборишни дастлаб биз “амалладик”. Лекин шуни айтишим мумкинки, бугун ғалаба қозонишимизга биз ҳам, мухлислар ҳам шубҳа қилишмаганди. Рақиб асосан узоқдан тўпни ҳужумчига ошириш тактикасида тўп суришди. Жамоавий ҳимояланган жамоа дарвозасига гол уришимиз қийин кечди. Муҳими уч очкони қўлга киритдик.
— Биринчи бўлимдаги нурсиз ўйин ўтган турдаги мағлубият сабаб юзага келгандек кўринди?
— Ўтган ўйинда ҳам сафарда ёмон ўйнамагандик. Кўплаб вазиятлардан фойдалана олмадик. Рақиб эса кам сонли ҳужумлардан бирини голга айлантирди. Бугун ҳам ўтган турдаги мағлубият сабаб футболчилар бироз босим остида тўп суришди.
— Ёшлар жамоасида натижалар ёмонлаша бормоқда. Асосий таркиб футболчилари ҳам тажриба учун ёшлар лигасида ўйнаб туришса бўлмайдими?
— Асосий таркиб заҳираси бой эмас. Қолаверса ўринбосарлар таркибида асосан академия тарбияланувчилари тўп суришмоқда. Уларнинг аксарияти ёш. Энг ёши катта футболчи 19 ёш. Уларнинг иштиёқи эвазига натижа кўрсатилмоқда. Ўринбосарлар жамоасида тактика кўрмаяпман. Аслида улар бизнинг тактикамизга мослашган, бизга яқин тактик усулларни қўллаб футболчиларни асосий жамоага тайёр ҳолда етказиб бериши керак. Биз ўринбосарлар таркибига ҳам эътибор қаратамиз.
— Учрашувнинг икки бўлимида ҳужумлар ҳам икки хил кўриниш олди: биринчи бўлимдан қанотлардан тўп оширилди, иккинчи бўлимда марказдан ёриб кириб зарбалар берилди?
— Биринчи бўлимда рақиб кўпчилик бўлиб жарима майдончаси марказида жипс ҳимоя ташкил қилишди. Бундай ҳолларда фақат ошириб берилган тўплар фойда келтиради. Иккинчи бўлимда эса Кенжа Тўраевга жарима майдончасига индивидуал маҳорат билан ёриб кириши ҳақида кўрсатма бердим. Бу эса ўз самарасини берди.
— Игор Таранни қачон сафда кўрамиз?
— У ҳозир жароҳатини даволаш билан банд. Жамоа врачининг фйтишича, бир ҳафтадан сўнг машғулотларга қўшилади.
— Рақиб жамоа таркибидаги собиқ “насафчи”ларнинг ўйинини қандай баҳолайсиз?
— Ҳасанов ажойиб дарвозабон, унинг иқтидорига шубҳа йўқ, Носир Отақўзиев ҳимоячиларимизга етарлича ташвиш туғдира олди. Жиямуродов эса чап қанотда ҳаракат қилди. Аслида у ўнг қанот ҳимоячиси эди. Зоҳид Абдуллаев оз вақт ўйнаган бўлсада ёмон ўйнамади. Уларга кейинги фаолиятларида омад тилайман.
Олим ТОЛИПОВ ёзиб олди.
Манба: www.voha.uz
Киритилди: 08:46, 12.04.2014. Ўқилди: 2762 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
