Бугун Ўзбекистон Кубоги баҳсларининг 1/16 финал учрашувлари якунланди. "Оқ-тепа" ушбу босқичда олий лига вакили “Машъал”ни қабул қилди. Жуда қизиқарли беллашувда ғалаба Биринчи лига вакили томонида бўлди.
Иккала жамоа аъзоларида ҳам дарвозаларни ишғол қилиш учун бир қатор имкониятлар юзага келди. Хусусан, тошкентликлардан Никита Павленко, Алишер Шоғуломов, Маъруф Аҳмаджонов биринчи бўлимнинг ўзидаёқ ҳисобни очиши мумкин эди, аммо якунловчи зарбаларни йўллашда футболчиларимизга совуққонлик етишмади.
Беллашувнинг асосий вақтида ҳисоб очилмади. Жамоалар қўшимча 30 дақиқада орани очиқ қилишди. Учинчи бўлимнинг 8-дақиқасида қарши ҳужумга ўтган "Оқ-тепа" ҳисобни очди. Маъруф Аҳмаджонов чиройли зарба билан Ботир Носиров дарвозасини ишғол қилди – 1:0.
Қолган дақиқаларда ҳисоб ўзгармади. Ваҳоланки, бир вазиятда Нодир Тешабоев бўш қолган дарвозани нишонга олиб, ўйин тақдирини ҳал қилиш имкониятига эга бўлганди, бироқ ҳимоячи бошқача қарорга келди. Бу қарор рақибнинг фойдасига хизмат қилди.
Айтиш керак, учрашув бироз асабий кўриниш олди. Натижада бош ҳакам кўплаб ўйинчиларга сариқ карточка кўрсатиш билан бир қаторда уч нафар футболчини майдондан четлатди. Яна бир футболчи беллашувдан сўнг қизил карточка олди.
Мусобақанинг 1/8 финалида Биринчи лиганинг икки вакили — "Оқ-тепа" ва “Хотира-79” ўзаро тўқнаш келишади. ПФЛ қарорига кўра, ўйинлар 11-12 – 17-18 май кунлари бўлиб ўтади. Дастлабки учрашув Уйчи шаҳрида ўтказилади. Демак, чорак финалда Биринчи лига жамоаси албатта бўлади.
Ўзбекистон Кубоги. 1/16 финал
“ОҚ-ТЕПА” – “МАШЪАЛ” - 1:0 (0:0)
20 апрель. Тошкент. “Оқ-тепа” стадиони. 865 томошабин.
Ҳакамлар: Дмитрий Пислегин, Файзулло Ҳасанов, Расул Фозилов, Дониёр Досанов.
Назоратчи: Ғайрат Каримов (Тошкент).
“Оқ-тепа”: Шоҳруҳ Эшбўтаев, Дониёр Усмонов, Темур Турдиев, Нодирбек Тешабоев, Алишер Шоғуломов, Никита Павленко, Хуршид Йўлдошев Набижонович, Зафаржон Қорақулов, Маъруф Аҳмаджонов (Сергей Рекун, 105), Зокир Мирзааҳмедов, Сергей Прохоров (Никита Свиридов, 91).
“Машъал”: Ботир Носиров, Дилявер Ваниев, Қаҳрамон Баҳодиров, Жаҳонгир Абдумўминов, Аббос Омонов (Андрей Деркач, 103), Шерзод Файзиев, Саламат Қуттибоев, Зафар Тўраев (Баҳодир Муртазоев, 75), Аббос Шодмонов (Жамшид Ҳасанов, 68), Элдор Шомуродов, Мўйдин Мамазулумов.
Гол: Маъруф Аҳмаджонов, 97 – 1:0.
Огоҳлантиришлар: Элдор Шомуродов, 31. Зафаржон Қорақулов, 36. Маъруф Аҳмаджонов, 55. Дилявер Ваниев, 76. Жаҳонгир Абдумўминов, 77. Жамшид Ҳасанов, 95. Алишер Шоғуломов, 98. Сергей Рекун, 110.
Четлатишлар: Дилявер Ваниев, 98. Алишер Шоғуломов, 108. Қаҳрамон Баҳодиров, 110. Жаҳонгир Абдумўминов (учрашувдан сўнг).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
