Расул Раҳмонов: «Бугун ғалаба сув ва ҳаводек зарур»
Бугун чемпионатнинг 7-тур учрашувлари бўлиб ўтади. “Андижон” жамоамиз ўз майдонида “Бухоро”ни қабул қилади. Мавсум “Андижон” учун кўнгилдагидек бошланмагани учун мухлисларда бу ўйинда ҳам ҳавотир йўқ эмас. Футболчиларнинг ўйинга қай даражада тайёрлиги ва кайфияти қандай эканлигини билиш мақсадида жамоа сардори Расул Раҳмонов билан суҳбатлашдик.
— Мавсумни яхши бошлай олмаганимиз ва кетма-кет мағлубиятлар натижасида мухлисларимиз олдида ҳижолатдамиз, — деб сўзини бошлади “Андижон” сардори. – Лекин хатоларни бартараф этишга ҳаракат қилиб “Бухоро” билан ўйинга тайёргарлик кўрдик. Тўғри, айни пайтда кўпчилик жамоамизни кучсизлар қаторида кўрмоқда. Аммо “Локомотив” билан баҳсни инобатга олмаганда қолган учрашувларда кичик ҳисобда имкониятни бой бердик холос. Қандайдир хатоларимиз эвазига мағлубиятларга учрадик. Бироқ бу омадсизликка чек қўйиш пайти келди. Бугун ҳар қандай вазиятда ютмасак бўлмайди. Ғалаба биз учун сув ва ҳаводек зарур. Айни пайтда буни барча футболчилар жуда яхши ҳис қилиб турибмиз. Бугун мухлисларимизга ғалаба тақдим этмасак бўлмайди. Шуларни ҳаммасини ўйлаб бугун майдонга тушиб бор кучимизни берамиз.
Кеча жамоамиз қароргоҳига клубимиз президенти ташриф буюриб футболчилар билан учрашди. Клубимиз президенти ўйин олдидан бизнинг кайфиятимизни кўтариб ютишимиз кераклиги айтди. Қолаверса, у киши орқамизда қанчадан-қанча мухлислар борлигини ва улар учун ғалаба қозонишимиз кераклигини эслатиб қўйди. Шу боис биз масъулиятни янада яхши ҳис қилган ҳолда майдонга тушамиз. Очиғи, кетма-кет омадсизликлар натижасида ўзимиз ҳам руҳан қийналяпмиз. Шунинг учун бугун ғалаба қозониб муваффақиятсизликлар энди кўрсатиб қўймоқчимиз.
— Жароҳат туфайли икки-учта ўйинда иштирок этмадингиз. Айни пайтда ҳолатингиз қандай, жароҳатлар безовта қилмаяптими?
— “Машъал” билан баҳсда жароҳат олиб иккита ўйинни ўтказиб юбордим. Шунга қарамай, машғулотларда астойдил ишлаб спорт формамни тиклаб олдим. Асосийси, жароҳат ортда қолди ва ўзимни яхши ҳис қиляпман.
Манба: www.andijon-pfc.uz
Киритилди: 17:20, 03.05.2014. Ўқилди: 3690 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
