Сўнгги йилларда гарчи олимпия ҳаракати ва спорт тамойилларига мутлақо зид ва шу билан бирга инсон саломатлиги ва ҳаёти учун хавфли бўлсада, спортчилар томонидан тақиқланган моддаларни истеъмол қилиш холатлари тобора кўпроқ кузатилмоқда. Бундай холатларга чек қўйиш мақсадида Жаҳон допингга қарши кураш агентлиги томонидан қатор тадбирлар ўтказилиб келинмоқда.
Ўзбекистон Республикасининг "Жисмоний тарбия ва спорт тўғрисида" ги қонунида инсон соғлиғига зарар етказадиган стимуляторларни қўллашни тарғиб қилишга, спорт билан шуғулланишда ман этилган воситаларни қўллашга йўл қўйилмаслиги белгилаб қўйилган. Шу билан бирга мамлакатимизда 2010 йил 27 - декабрда "Спортда допингга қарши кураш тўғрисидаги халқаро конвенцияни (Париж, 2005 йил 19 октябрь) ратификация қилиш ҳақида"ги қонуннинг қабул қилингани юртимизда спортни халқаро меъёрлар асосида ривожлантириш йўлидаги муҳим қадам бўлди. Мазкур қонун юртимизда спортда допингга қарши назоратни олиб бориш, инсон манфаатлари, саломатлиги, шаъни ва қадр-қимматини ҳимоя қилиш, ёш авлодни жисмонан ва маънан соғлом инсонлар этиб тарбиялашнинг ҳуқуқий асосларини янада мустаҳкамлади.
Маълумки, 2013 йилнинг май ойида Тошкентда Ўзбекистон Миллий Олимпия қўмитаси ҳамда Жаҳон допингга қарши кураш агентлиги (WADA) билан ҳамкорликда Минтақавий допингга қарши кураш агентлиги Ижроия қўмитасининг йиғилиши, шунингдек, допингга қарши кураш бўйича инспекторлар тайёрлаш бўйича семинар-тренинг ўтказилган эди.
Бугун пойтахтимиздаги Республика Олимпия захиралари коллежида “Замонавий спортда фармакологиянинг ўрни ва допинг масалалари” мавзусида давра суҳбати ташкил этилди.
Ўзбекистон Миллий Олимпия қўмитаси ташаббуси билан ташкил этилган давра суҳбатида Халқаро Олий тоифадаги спорт шифокори, Халқаро хаваскор боксчилар ассоциацияси (AIBA) шифокори Дилшод Казаков мазкур билим юрти мураббий ва шифокорлари учун спортчиларга тақиқланган воситалардан фойдаланишларини олдини олиш ва допингга қарши курашда энг аввало нималарга эътибор қаратиш лозимлиги ҳақида маълумот берди.
“Профессионал спортда фармакологиянинг ўрни беқиёс бўлганлиги боис биз дастлабки давра суҳбатини катта спортга иқтидорларни етказиб берадиган Республика Олимпия захиралари коллежидан бошладик – дейди Дилшод Казаков. Бугунги йиғилишимизни маъруза кўринишида эмас, балки давра суҳбати кўринишида ўтказилганлиги мақсадга мувофиқ бўлди, деб ҳисоблайман. Боиси, қачонки мураббий ёки шифокорлар маърузачи билан мавзуни савол-жавоб тарзида ўтказишса, ўша мавзу ҳақида янада кўп тушунчага эга бўлади. Бундан давра суҳбатларини келгусида мунтазам равишда ташкил этиб бориш режалаштирилган”.
Давра суҳбатида спортчиларни ёшига қараб қандай дори воситаларини истеъмол қилишлари мумкинлиги ва допинг текширув пайтида амалга терма жамоа шифокорлари ва мураббийларининг хуқуқ ва вазифалари ҳақида атрофлича маълумот берилди.
“Очиғи спортда узоқ йиллардан буён фаолият кўрсатиб келаётганлигимиз боис допингга қарши кураш мавзусида кўп нарсадан хабардормиз деб юрамиз – дейди коллежнинг спорт гимнастика бўлими мураббийси Светлана Кузнецова. Бугунги давра суҳбатидан кейин бу мавзусида ҳали ўрганадиган жихатларимиз кўп эканлигига амин бўлдик. Фурсатдан фойдаланиб, мана шундай давра суҳбатининг ташкилотчиларига ўз миннатдорчилигимни билдириб ўтсам. Допингга қарши кураш мавзуси жуда чуқур ва узоқ вақт ўрганиладиган масала. Шу боис ҳам мана шундай давра суҳбатлари келгусида ҳам ташкил этиб борилса, нур устига аъло нур бўлар эди”.
Давра суҳбати сўнггида мураббий ва шифокорлар ўзларини қизиқтирган кўплаб саволларга атрофлича жавоб олдилар.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
