"Баркамол авлод" спорт ўйинлари республика финал босқичи илк маротаба 2001 йил 30 апрель — 5 май кунлари Жиззах вилоятида ўтказилган.
Мамлакатимиз касб-ҳунар коллежлари ва академик лицейлари ўқувчилари ўртасида кечган саралаш баҳсларида уч юз минг нафардан зиёд ўғил-қиз иштирок этган.
Финал босқичида улар орасидан сараланган икки минг нафарга яқин ўқувчи-спортчи спортнинг етти (футбол, волейбол, енгил атлетика, баскетбол, кураш, теннис ва сузиш) тури бўйича ўз маҳоратларини намойиш қилган эди.
Мусобақалар якунида жами 265 та соврин ўз эгаларини топган бўлса, умумжамоа ҳисобида энг кўп очко жамғарган Тошкент шаҳри вакиллари биринчи, Наманган ва Самарқанд вилоятлари ёш спортчилари кейинги фахрли ўринларни эгаллашган.
* * * * *
"Баркамол авлод — 2003" спорт ўйинлари республика финал босқичига Андижон вилояти мезбонлик қилган. 2003 йилнинг 5 — 10 июнь кунлари ўтказилган ушбу "кичик олимпиада" баҳсларида юртимиз касб-ҳунар коллежлари ва академик лицейларининг энг сара ва кучли 2786 нафар ўқувчи-спортчилари спортнинг 14 тури бўйича ўзаро куч синашдилар.
Мусобақалар якунида умумжамоа ҳисобида энг кўп очко тўплаган Андижон вилояти ёш спортчилари шоҳсупанинг энг юқори поғонасидан жой олди. Тошкент ҳамда Фарғона вилоятлари терма жамоалари эса кейинги фахрли ўринларга муносиб кўрилдилар.
* * * * *
Ўзига хос уч босқичли ноёб тизимнинг ўрта бўғини саналган "Баркамол авлод — 2005" спорт ўйинлари республика финал босқичига пойтахт вилояти мезбонлик қилди. Катта спорт байрамининг очилиш ва ёпилиш тантаналари Чирчиқ шаҳрида уюштирилган баҳсларда кучлилар ўн иккита тур бўйича аниқланди.
Мусобақаларда ҳар томонлама ўз маҳоратларини намоён этган Андижон вилояти ёш спортчилари қаторасига иккинчи бор умумжамоа ҳисобида тенгсиз деб топилдилар. Тошкент шаҳри ва пойтахт вилоятлари вакиллари эса фахрили иккинчи ва учинчи поғоналарни банд этдилар.
* * * * *
2008 йилнинг 17 — 20 май кунлари Нукусда "Баркамол авлод — 2008" спорт ўйинлари республика финал босқичи зўр муваффақият билан ўтказилди. Спортнинг 12 тури бўйича кечган баҳсларда 165 комплект медаллар шодаси соҳиблари аниқланди.
Икки минг нафардан зиёд ўғил-қиз қатнашган улкан спорт байрамида юксак натижаларни қайд этган мезбонлар — қорақалпоғистонлик ёшлар умумжамоа ҳисобида бош совринга лойиқ кўрилди. Иккинчи ўрин Тошкент шаҳри вакилларига насиб этган бўлса, фарғоналик ёш спортчилар фахрли учинчи поғонани эгаллади.
* * * * *
Юртимизнинг жанубий дарвозаси — Термизда ўтказилган "Баркамол авлод — 2011" спорт ўйинлари республика финал босқичи ҳам чинакам ёшлик, гўзаллик ва шижоат байрами тусини олди. 2011 йилнинг 29 апрель — 1 май кунлари ўтказилган мусобақаларда иштирокчилар спортнинг 12 тури бўйича майдонга тушдилар.
Баҳслар якунида умумжамоа ҳисобида пойтахтлик ёшлар бош совринга сазовор бўлди. Мезбонлар — Сурхондарё вилояти терма жамоаси иккинчи, хоразмлик ўқувчи-спортчилар эса учинчи ўринни эгалладилар.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
