Ўзбекистон-Уммон ўйинларидан кейин терма жамоамиз бош мураббийи Миржалол Қосимов матбуот анжуманида иштирок этиб, ўз фикрларини билдириб ўтди.
— Натижадан қониқмадим. Бугун икки томонлама байрам уюштиришни мақсад қилгандик. Биринчидан, терма жамоага ўз ҳиссасини қўшган футболчиларни муносиб хайрлашишни истаган бўлсак, иккинчидан мухлисларга ғалаба тақдим этмоқчи эдик. Биринчи бўлимда ўйинимиз чиқмади. Иккинчи бўлимда захирадан тушган футболчилар ўйинимизни кучайтиришди. Яхши имкониятларга эга бўлдик. Бу ўйинлар орқали янги футболчиларни синовдан ўтказиб олдик ва улар ҳақида маълум тасаввурларга эга бўлдик.
— Ёшлар қандай таассурот қолдиришди?
— Ижобий ва салбий хулосалар бор. Ҳар бир футболчи борасида етарли хулосага эга бўлдик. Айрим футболчилар ҳали терма жамоада ўйнашига эрта эканига ишонч ҳосил қилдм. Шунингдек, ҳали ўсадиган ва салоҳиятга эга бўлган ёшлар ҳам борлигини кўрдим.
— Бугун 3 нафар билан хайрлашдик. Одатда, терма жамоа билан хайрлашиш қарори футболчиларнинг ўзидан чиқади. Бу футболчилар Ўзбекистон терма жамоаси билан хайрлашишдими ёки сизнинг бошчилигингиздаги жамоа биланми?
— Яхши савол. Мен бу қарорни ўзимдан ўзим қилмадим. Ташаббус футболчилардан ҳам чиқди. Буни футболчилардан ҳам сўраб кўришингиз мумкин. Ушбу футболчиларга инсоний ҳурмат билан ёндашиб, уларни муносиб кузатиб қўйишни мақсад қилгандик. Ўйлаймизки, бугунги оқшом уларнинг ёдида сақланиб қолади.
— Терма жамоа ижросида ҳамон зарба кам. Дастлабки зарба 38-дақиқада амалга оширилди. Нима учун футболчилар дарвоза томон кам зарба беришмоқда?
— Дастлабки мақсад дарвозани ишғол, бунга имкон бўлмаса, шеригини тўп билан таъминлаш. Биринчи бўлимда асосан марказ орқали ҳужум ташкил қилишга ҳаракат қилдик. Қолгани футболчининг ўзига, тезда қарор чиқаришига боғлиқ. Тўпни қабул қилишдан олдин кейинги ҳаракатни олдиндан билиши керак.
— Уммонга қарши ўйинларда терма жамоага таклиф этилмаган Жепаров ва Ҳайдаров каби бугунги ўйинларга чақирилмаган футболчиларнинг кейинги тақдири нима бўлади?
— Терма жамоага номзод бўлган ҳар бир футболчининг ҳолати ҳақида етарли маълумотларга эга эдим. Гейнрих, Кападзе, Сервер, Ҳайдаров кейинги ўйинларга таклиф қилинади. Умуман олганда, маълум йиғинга қайси футболчи тайёр бўлса, ўша футболчи терма жамоадан таклиф олади.
— Ҳужумчиларнинг ўйинидан қанчалик қониқиш ҳосил қилдингиз? Темурхўжа Абдухолиқов ҳам мазкур йиғинга таклиф этилиши мумкинмиди?
— Иккита ўйинда гол ура олмаганимиздан кейин улардан кўнглим қай даражада тўлиши мумкин.
— Бугунги икки ўйиндан келиб чиқадиган бўлсак, терма жамоа ўйини жуда қашшоқ кўринмаяптими?
— Қўшиламан фикрингизга. Аслида бошқача ўйнашимиз керак эди, аммо йигитлар яхши ўйнай олишмади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
