Германия терма жамоаси мазкур жаҳон чемпионатида ғолибликка асосий даъвогар эканини жарангли овоз билан таъкидлади.
Гап кучли рақиб - Португалия устидан қозонилган йирик ҳисобдаги ғалабада ҳам эмас. Йоахим Лёв жамоани ушбу Мундиалга идеал тарзда тайёрлаб олиб келибди. Жамоавий ўйин, ўйин интизоми, метин ҳимоя, футболчиларнинг ўз вақтида очилиши... "Немис машинаси"нинг деярли барча компонентлар идеал даражада ишлади бугун.
Йирик мағлубиятга эса Португалиянинг ўзи айбдор. Ўйин бошида ҳимоячи яккама-якка курашда Гётцега ютқазди ва ҳужумчини тортиб йиқитди. Томас Мюллер пенальтидан ҳисобни очди.
Португалиянинг стандарт вазиятлари хавфли қуролга айланмади. Германия эса ўзининг иккинчи голини бурчак тўпидан сўнг урди. Ҳимоячи Хуммельс бош билан дарвозани ишғол қилди.
"Реал Мадрид" ҳимоячиси Пепе биринчи бўлимнинг ўзидаёқ терма жамоасининг аҳволини янада қийинлаштириб юборди. Пепе ёнма-ён ўйин давомида қўли билан Мюллернинг юзига урди, ҳакамнинг хуштагидан кейин эса у ерда ётган Томаснинг юзига шиддат билан эгилди ва бош билан бироз туртиб юборди. Мана шу иккинчи ҳолат туфайли сербиялик ҳакам Мажич уни майдондан четлатди.
Португалия терма жамоаси дарвозабони Руи Патрисиу у қадар ишончли ҳаракат қила олмаганини таъкидлаш лозим. У дастлаб Мюллернинг ўзи томон йўллаган зарбасини қайтара олмаган бўлса, иккинчи бўлимда қанотдан берилган зарбани ушлаб қола олмади ва Томас яқин масофадан ўзининг учинчи, жамоасининг тўртинчи голини Португалия дарвозасига йўллади.
Томас Мюллер мазкур Мундиалнинг илк "хет-трик" муаллифига айланди. "Олмон машинаси" эса шиддатли старт олди.
ЖЧ-2014. "G" ГУРУҲИ, 1-ТУР
ГЕРМАНИЯ - ПОРТУГАЛИЯ - 4:0 (3:0)
Голлар: 1:0 – 12, пенальти Мюллер, 2:0 – 32 Хуммельс, 3:0 – 45 Мюллер, 4:0 – 78 Мюллер.
Германия – Нойер, Дж.Боатенг, Мертесакер, Хуммельс (Мустафи, 73), Хеведес, Кроос, Лам, Хедира, Ўзил (Шюррле, 63), Гетце, Мюллер (Подольски, 82).
Португалия – Патрисиу, Перейра, Алвеш, Пепе, Коэнтрау (Алмейда, 65), Велозу (Кошта, 46), Мейрелеш, Моутинью, Нани, Роналду, Угу Алмейда (Эдер, 28).
Огоҳлантириш: Перейра (11).
Четлатиш: Пепе (37).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
