17 июнь куни Малайзиянинг Куала-Лумпур шаҳрида 2015 йили ўтказиладиган аёллар ўртасидаги U-16 ва U-19 Осиё чемпионати саралаш баҳсларига қуръа ташланди.
U-16 ўсмир қизлар ўртасидаги ОЧ саралаш баҳсларида иштирок этадиган Ўзбекистон U-16 ўсмирлар терма жамоаси бугун саралаш баҳсларидаги рақибалари номини билиб олди. Марказий-Жанубий ва Ғарбий Осиё минтақасидан ўрин олган Ўзбекистон саралашнинг «B» гуруҳида Шри-Ланка, Баҳрайн, Фаластин, Қирғизистон ва Тожикистон U-16 ўсмир қизларига қарши ўйнайдиган бўлди. Саралаш баҳсларига 4-13 октябрь кунлари Шри-Ланка мамлакати мезбонлик қилади.
Саралаш баҳслари форматига кўра, Марказий-Жанубий ва Ғарбий Осиё минтақасига кирувчи 12та терма жамоа 6тадан икки гуруҳга бўлинган ҳолда саралаш баҳсларида иштирок этишади. Гуруҳ ғолиблари тўғридан-тўғри ОЧ финал босқичига йўлланмани қўлга киритадилар. 2013 йили ўтказилган U-16 Осиё Чемпионатида дастлабки тўрт ўринни эгаллаган терма жамоа (Япония, КХДР, Хитой, Таиланд), 2015 йилги Осиё Чемпионати финал босқичига саралаш ўйинларисиз йўлланмани қўлга киритган.
Аёллар ўртасида U-19 ОЧ саралаш баҳсларида иштирок этадиган Ўзбекистон терма жамоаси ҳам 3-9 ноябрь кунлари бўлиб ўтадиган саралаш баҳсларидаги рақибалари номини билиб олди. Унга кўра, Ўзбекистон U-19 ёшлари саралашнинг «A» гуруҳида Иордания, Ҳиндистон ва Ливан ёшлар терма жамоаларига қарши баҳс олиб боради. Саралаш ўйинларига 5-9 ноябрь кунлари Иордания мамлакати мезбонлик қилади.
Саралаш баҳслари форматига кўра, Марказий-Жанубий ва Ғарбий ҳамда Шарқий минтақага кирувчи жами 14 жамоа жами тўрт гуруҳга бўлинган ҳолда 1-саралаш босқичида иштирок этадилар. Гуруҳ ғолиблари ОЧ финал босқичига йўлланмани қўлга киритадилар. 2013 йили ўтказилган U-19 Осиё Чемпионатида дастлабки тўрт ўринни эгаллаган терма жамоа (Жанубий Корея, КХДР, Хитой, Япония), 2015 йилги Осиё Чемпионати финал босқичига саралаш ўйинларисиз йўлланмани қўлга киритган.
Маълумот ўрнида, ҳар иккала ёш тоифасидаги ОЧ-2015 финал босқичи ўйинлари мезбонлари ОФК томонидан кейинроқ тасдиқланади.
U-16 ўсмир қизлар ўртасидаги ОЧ-2015, саралаш баҳслари.
4-13 октябрь, Шри-Ланка.
«B» гуруҳи.
Шри-Ланка
Ўзбекистон
Баҳрайн
Қирғизистон
Тожикистон
U-19 қизлар ўртасидаги ОЧ-2015, саралаш баҳслари.
5-9 ноябрь, Иордания.
«А» гуруҳи.
Иордания
Ўзбекистон
Ҳиндистон
Ливан
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
