Ўз тарихида тўртинчи маротаба ЖЧда иштирок этаётган Коста Рика терма жамоаси мазкур Мундиалда биринчи марта плей-оффга чиққанига қарамай, чорак финал йўлланмасини қўлга киритди.
Гарчи коста-рикаликлар ўз гуруҳларида 1-ўринни эгаллаган бўлсалар-да, Грецияга қарши ўйинда уларни фаворит деб атаб бўлмасди. Ҳозиргина якунланган нимчорак финал баҳсида уларга тажрибасизлик панд бериб қўйишига оз қолди.
Ўйин тенгкурашлар остида бошланди. Хавфли вазиятлар кўп бўлмаса-да, ҳар иккала жамоа томонидан содир этиб турилди. Ҳисобни очиш эса КОНКАКАФ минтақаси вакилига насиб этди. Иккинчи бўлим бошида Боланьос чап қанотда ҳимоячини алдаб ўтиб, шериги Руисга тўпни оширди. Руис эса иккиланиб ўтирмасдан 16 метрлардан аниқ зарба билан дарвозани ишғол қилди.
Ўйиннинг 66-дақиқасида Коста-Рика ҳимоячиси Дуартэ тажрибасизлик қилди ва сариқ карточкаси борлигини била туриб рақиб ҳужумчисининг ортидан тепиб йиқитди. Натижада греклар майдонда бир киши бўлиб ўйнаш имкониятига эга бўлдилар. Бу эса ўйиннинг сўнгги дақиқаларида ўз самарасини берди. Гекас томонидан йўлланган зарбани Навас қайтарди, қайтган тўпни Папастатопулос дарвозага йўллаб, ҳисобни тенглаштирди.
Греция асосий вақти ёки қўшимча бўлимларда ғалабани илиб кетиши мумкин эди. Аммо Митроглунинг бош билан берган зарбасини Навас қайтариб қолган бўлса, 120-дақиқада жуда қулай вазиятда — посбон билан бирга-бир вазиятда дарвозани ишғол қила олмади.
Пенальтилар сериясида эса футболчилар жуда яхши ҳаракат қилишди. Фақат Грециянинг тажрибали футболчиси Гекас томонидан бурчакка йўлланган тўртинчи зарбани Коста-Рика посбони қайтаришга муваффақ бўлди. Барча зарбаларни голга айлантирган шимолий америкаликлар чорак финал йўлланмасини қўлга киритишди.
Коста-Рика чорак финалда Голландияга қарши баҳс олиб боради.
ЖЧ-2014, НИМЧОРАК ФИНАЛ
КОСТА-РИКА - ГРЕЦИЯ - 1:1 (0:0). Пенальтилар серияси - 5:3
Голлар: 1:0 – 52 Руис, 1:1 – 90 Папастатопулос.
Коста-Рика – Навас, Гамбоа (Акоста, 77), Дуарте, Гонсалес, Уманья, Диас, Борхес, Техеда (Куберо, 66), Руис, Боланьос (Бренес, 83), Кэмпбелл.
Греция – Карнезис, Торосидис, Манолас, Папастатопулос, Холебас, Маньятис (Кацуранис, 78), Карагунис, Салпингидис (Гекас, 69), Самарис (Митроглу , 58), Христодулопулос, Самарас.
Огоҳлантиришлар: Самарис (36), Дуарте (42), Техеда (48), Гранадос (56), Руис (70), Манолас (72), Навас (90).
Четлатиш: Дуарте (66, иккинчи огоҳлантириш).
Пенальтилар серияси:
Борхес (1:0) — Митроглу (1:1)
Руис (2:1) — Кристодулопулос (2:2)
Гонсалес (3:2) — Холебас (3:3)
Кэмпбел (4:3) — Гекас (4:3, дарвозабон)
Уманья (5:3)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
