Ўзбекистон миллий терма жамоасининг ОК-2015 финал босқичидаги рақиби - Хитой миллий терма жамоаси июнь ойида учта ўртоқлик ўйинини ўтказди.
Алан Перрин бош мураббийлигидаги Хитой миллий терма жамоаси июнь 18 июнь куни Шеньянг шаҳрида Македония терма жамоасига қарши ўртоқлик ўйинида майдонга тушди ва 2:0 ҳисобида ғалаба қозонди. 22 июнь куни Хитой Македония термасига қарши иккинчи ўртоқлик ўйинида майдонга тушди ва бу ўйинда ҳисоб очилмаган - 0:0.
Хитой миллий терма жамоаси 29 июнь куни Мали терма жамоасига қарши яна бир ўртоқлик ўйинида майдонга тушди ва 1:3 ҳисобида имкониятни бой берди. Таъкидлаш жоиз, Македонияга қарши иккала учрашув ҳам, Мали термасига қарши ўйин ҳам ХитойнингШеньянг шаҳрида бўлиб ўтган.
Маъулумот ўрнида, Алан Перрин бошчилигидаги Хитой миллий терма жамоаси навбатдаги ўртоқлик ўйинларини сентябрь ва октябрь ойларида ўтказишни режалаштирган. Дастлаб 4 сентябрь куни Кувайт, 9 сентябрь куни эса Иордания терма жамоаларига қарши ўртоқлик ўйинлари ташкил этилади. Ҳар иккала ўйин ҳам Хитой пойтахти Пекин шаҳрида бўлиб ўтади.
Октябрь ойида Хитой терма жамоаси шунингдек, Таиланд терма жамоасига қарши ўртоқлик ўйинини ўтказиши режага киритилган.
Ўзбекистон миллий терма жамоасининг ОК-2015 гуруҳ босқичидаги яна бир рақиби - Саудия Арабистони терма жамоаси ҳам сентябрь ва октябрь ойларида иккита ўртоқлик учрашувини ўтказади. Дастлаб, 8 сентябрь куни Австралия терма жамоаси Саудия Арабистонига ташриф буюрса, 10 октябрь куни Уругвай терма жамоасига қарши ўртоқлик ўйинини ўтказади. Ҳар иккала учрашув ҳам Саудия Арабистони пойтахти Ар Риёд шаҳрида бўлиб ўтиши режалаштирилган.
Эслатиб ўтамиз, Миржалол Қосимов бош мураббийлигидаги Ўзбекистон миллий терма жамоаси ҳам август, сентябрь ва октябрь ойларида бир нечта ўртоқлик учрашувларида майдонга тушади. Унга кўра, Ўзбекистон миллий терма жамоаси 20 август куни Бокуда Озарбайжон миллий терма жамоасига қарши ўртоқлик ўйинини ўтказади. Навбатдаги ўртоқлик учрашувлари эса 3 ва 8 сентябрь кунларига белгиланган. Дастлаб, 3 сентябрь куни Иордания терма жамоаси Тошкентда меҳмон бўлса, 8 сентябрь куни Тошкентда Янги Зеландия терма жамоасига қарши ўйин ўтказилади.
Миржалол Қосимов шогирдлари октябрь ойида ҳам учта ўртоқлик учрашувида майдонга тушиши режалаштирилган. Унга кўра 6 октябрь куни Дохада Қатар терма жамоасига қарши ўртоқлик учрашуви бўлиб ўтади. 10 ва 14 октябрь кунлари эса Баҳрайин ва БАА миллий терма жамоаларига қарши ўйинлар бўлиб ўтади. Сўнгги икки ўйин БААнинг Дубай шаҳрида ўтказилиши тасдиқланган.
Маълумот учун, Ўзбекистон миллий терма жамоаси ОК-2015 гуруҳ босқичида Хитой, Саудия Арабистони ва КХДР терма жамоаларига қарши майдонга тушади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
