Бир-бирларини яхши биладиган Бразилия ва Колумбия терма жамоалари ўйиннинг бошидан охиригача очиқ ўйин намойиш қилиб беришди.
Мезбонларнинг ҳар бир футболчисига катта босим тушаётган пайтда ҳимоячилар ўзларининг голлари билан ўйин тақдирини ҳал қилишмоқда. Ўйиннинг 7-дақиқадасида бурчакдан етказилган тўпга Давид Луис сакради, аммо тўп ундан ўтиб кетди. Дарвозанинг олис бурчагига томон етиб келган Тиагу Силва тўпни дарвоза тўрига йўллаб, ҳисобни очди.
Сколари шогирдлари гол уриб олишганидан кейин ҳам ҳимояга ётиб олишмади. Улар тўпни кўпроқ назорат қилишди, дарвоза томон кўпроқ зарбалар беришди. Иккинчи бўлимдса эса Колумбия мураббийи Пакерман айрим ўзгаришларга қўл урди, натижада ўйин тенглашди. Бўлим ўрталарида эса Давид Луис 30 метрлардан белгиланган жарима тўпини даҳшатли зарба билан дарвозага жойлаб қўйди!
Колумбияликлар иккинчи голни ўтказиб юборишганидан кейин ҳам таслим бўлишмади. Ўйин тугашига 10 дақиқа қолганидан жамоа тўпурари Хамес Родригес захирадан тушган Карлос Баккани дарвозабон билан юзма-юз ҳолатга чиқарди. "Севилья" футболчиси тўпни Сезар устидан ошириб ўтиб кетаётганида Жулио уни чалиб йиқитди. Испаниялик ҳакам дарҳол 11 метрли нуқтани кўрсатди. Хамес Родригес пенальтини ҳаво совурмади ва ўз жамоасига умидни қайтарди. Бироқ Бразилия ҳимояда бошқа хатога йўл қўймади ва рақибга имконият бермади.
Колумбия чорак финалдан ортга қайтадиган бўлди. Хамес Родригес эса ўз голлари сонини 6тага етказиб олди ва "олтин бутса" учун энг асосий даъвогар бўлиб қоладиган бўлди. Бразилия эса ярим финалда Германияга қарши баҳс олиб боради.
ЖЧ-2014. ЧОРАК ФИНАЛ
БРАЗИЛИЯ - КОЛУМБИЯ 2:1 (1:0)
Голлар: 1:0 – 7 Силва, 2:0 – 69 Давид Луиз, 2:1 – 80, пенальти Хамес.
Бразилия – Жулио Сезар, Майкон, Силва, Давид Луиз, Марсело, Паулиньо (Эрнанес, 86), Фернандиньо, Оскар, Халк (Рамирес, 83), Фред, Неймар (Энрике, 88).
Колумбия – Оспина, Суньига, Сапата, Йепес, Армеро, К. Санчес, Гуарин, Куадрадо (Кинтеро, 80), Хамес, Ибарбо (Рамос, 46), Гутьеррес (Бакка, 70).
Огоҳлантиришлар: Силва (64), Хамес (67), Йепес (69), Жулио Сезар (78).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
