Ўз майдонида мухлис тўплаш борасида «Навбаҳор» етакчи!
Олий лиганинг биринчи давра ўйинларида 91 та учрашув ўтказилган бўлиб, 550334 нафар мухлис беллашувларни бевосита ўйингоҳдан туриб кузатган. Ўртача ҳисоблаганда бир учрашувга 6048 томошабин ташриф буюрган. Бу кўрсаткични ўтган мавсумнинг дастлабки қисми билан таққослаганда жорий чемпионатда мухлислар ташрифи бир мунча кўпайганини пайқаш мумкин. Ўтган йилги ўртача натижа 4241 томошабинни ташкил этган эди.
Умуман олганда, сўнгги ўн йилликдаги натижаларни солиштирганда 2009 йилги мавсумнинг дастлабки ярми мухлислар билан гавжум бўлган. Ўша йили ўртача ҳар бир беллашувга 7314 томошабин тўғри келган.
Жорий мавсум ўз майдонида мухлис тўплаш борасида "Навбаҳор" ва "Бухоро"га етадигани бўлмади. Гарчи наманганликлар ўз шаҳарларидан 40 км узоқликдаги ўйингоҳда рақибларини қабул қилишган бўлса-да, бу борада етакчиликни бошқа жамоага бериб қўйишмади. Шунингдек, "Навбаҳор" биринчи даврада ўй майдонида 6 та учрашув ўтказди. Агар "Қизилқум" билан ўтадиган учрашув Навоийга кўчирилмаганида, мухлислар ташрифи янада салмоқли бўларди.
Иккинчи давра ўинларида бу борада "Навбаҳор" пешқадамликни янада мустаҳкамлаши мумкин. Чунки жамоа қайтадан таъмирдан чиқарилган 22 мингли ўйингоҳда жамоаларни қабул қилади. Аввалги ўйингоҳ 35 минг мухлисни ўз бағрига сиғдира оларди. Шунингдек, "Нефтчи" (20 мингли) ва "Сўғдиёна" (10 мингли) клублари ҳам янги стадионда учрашувларни ўтказишса умумий ҳолда томошабинлар ташрифи ошади.
Бу борада пешқадам саналган "Навбаҳор" 6 та учрашувнинг бештасини Косонсойдаги ўйингоҳда ўтказган. Сўнгги ўринни эса ҳозирда Олий лига пешқадами бўлиб турган "Локомотив" эгаллаб турибди.
Жамоа - Уйдаги ўйинлар сони - Жами мухлислар - Ўртача кўрсаткич
1. "Навбаҳор" – 6– 64845 – 10806
2. "Бухоро" – 7 – 65749 – 9393
3. "Қизилқум" – 7 – 62111– 8873
4. "Насаф" – 7– 60418– 8631
5. "Динамо" - 6 – 45201– 7534
6. "Андижон" – 7 – 50678- 7240
7. "Олмалиқ" - 7 – 44688 – 6384
8. "Пахтакор" – 6 – 35711 – 5952
9. "Нефтчи" - 6 – 28084 - 4681
10. "Сўғдиёна" - 7 – 31663– 4523
11. "Машъал" - 6 – 20096 – 3349
12. "Металлург" – 6 -13912– 2319
13. "Бунёдкор" – 7 – 15150 – 2164
14. "Локомотив" – 6 – 12671– 2112
91 та ўйиндан:
15 мингдан ортиқ мухлис йиғилган учрашувлар сони - 5;
10 мингдан ортиқ йиғилган учрашувлар сони - 15.
Биринчи даврадаги рекорд кўрсаткич:
«Андижон» – «Пахтакор» - 0:1. 18221 томошабин.
Антирекорд кўрсаткич:
«Локомотив» – «Қизилқум» – 4:1. 601 томошабин.
FOOTBALL-BEST.RU сайти маълумотлари асосида LOCHINLAR.ASIA сайти учун тайёрланди
Манба: www.lochinlar.asia
Киритилди: 13:29, 12.07.2014. Ўқилди: 9001 марта. Фикрлар: 3 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Сўғдиёна
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
