Бугун Бразилиядаги Жаҳон чемпионатининг бронза медали учун Бразилия терма жамоаси Голландияга қарши баҳс олиб боради. Ярим финалда Германия терма жамоасига 1-7 ҳисобида имкониятни бой берган Бразилия бугун ўзининг руҳий томондан қай даражада кучли эканини исботлашга ҳаракат қилса, голландлар эса ярим финалда омад улардан юз ўгирганини кўрсатишга уриниб кўради.
Бугун майдонда шунчаки ўйин кўрмаймиз, бугун майдонда 200 миллион халқ олдида "уятдан ер чизиб қолган" Силва бошчилигидаги бразилиялик жангчиларнинг курашию, пенальтилар сериясида Аргентинага ютқазган аламзада "учар голландлар"нинг тўп билан майдонда "учишини" томоша қиламиз. Демак, бизни бугун ҳақиқий жанг кутмоқда.
КИМ НИМА ДЕЙДИ?
Луис Фелипе Сколари, Бразилия терма жамоаси бош мураббийи: "Энди бундан буёғига хавотирланмайман, зеро асосий мақсадимизга эришолмадик. Агар биз ўйиндан кейин ўз орзумизга етишимизни хоҳласак, ўйин давомида голландларга қарши қаттиқ ҳаракат қилишимиз керак. Биз Бразилия халқига оз бўлса-да хурсандчилик улашишни истаймиз".
Луи ван Гал, Голландия терма жамоаси бош мураббийи: "Биз бирор марта Жаҳон чемпионатида мағлубиятга учраганимиз йўқ ва бизнинг мақсадимиз мағлубиятсиз уйимизга қайтиш. Балки биз турнирнинг энг кучли жамоаси эмасдирмиз, лекин аниқки мағлубяитга учратиш қийин бўлган терма жамоалар сафидамиз. Менинг терма жамоадаги сўнгги ўйинимда футболчилар ғалаба қозониб менга совға ҳозирлашларини чин кўнгилдан истайман".
Тиаго Силва, Бразилия терма жамоаси ҳимоячиси: "Ғолиб чиқишга бўлган қизиқиш? Биз биринчи ўрин учун ўйнамаймиз. Биз фахр, ғурур ва беш юлдузли футболканинг ҳурмати учун ўйнаймиз. Голландия терма жамоаси бизни ЖЧ-2010да мағлуб этган эди. Бироқ, бу сафар мен ўйиндан сўнг майдонни ёқимсиз ҳис-туйғулар билан тарк этмқчи эмасман".
Арьен Роббен, Голландия терма жамоаси аъзоси: "" Учинчи ўрин учун ўйин ҳеч қандай ҳиссиёт бермайди. Бу ерда фақат биринчи ўрин бор, холос. Биз Аргентинага мағлуб бўлдик ва мен бунинг учун ҳеч кимни айбламоқчи эмасман, ҳаттоки пенальтини аниқ амалга ошира олмаганларни ҳам".
РАҚАМЛАР СЎЗЛАГАНДА
- Терма жамоалар ўзаро 11 ўзаро 11 марта ўйнашган ва иккала жамоада ҳам 3 тадан ғалаба. тўплар нисбати 15-15.
- Бугунги ўйин ушбу жамоаларнинг жаҳон чемпионатидаги бешинчи ўйини бўлади. Голландия 2 марта ғалаба қозонган, Бразилия бир марта ғолиб бўлган. Бир ўйинда томонлар муроса кўчасини танлашган.
- Голландлар Европа ва жаҳон чемпионларидаги еттита пенальтилар сериясида қатнашиб, шуларнинг бештасида мағлуб бўлган.
- Бразилия гол ўтказиш бўйича ўзининг антирекордини Германия билан ўйинда янгилаб бўлди ва бугунги ўйинда ушбу "муваффақиятни" ошириш имкониятига эгалар.
- Бугунги ўйинда "Бавария" футболчилари Данте ва Роббен ўзаро рақиб сифатида майдонга чиқади.
ҲАКАМЛАР
Бразилия -Голландия ўйинини жазоирлик Жамол Ҳамидий бошқариб боради. Захира ҳаками Юичи Нишимура.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
