Жаҳон чемпионатида бир қанча рекордлар янгиланди. Рақамлар билан танишинг:
171 – Бразилиядаги ЖЧда дарвозаларга шунча гол киритилди. Бу орқали ЖЧ-1998 рекорди такрорланди.
90 – “Барселона” клуби «Ливерпуль» ҳужумчиси Луис Суаресга 90 миллион евро таклиф қилди. Ушбу шартнома ЖЧдан кейин амалга оширилган энг йирик трансферга айланди.
43 ёш ва 3 кун – Колумбия терма жамоаси дарвозабони Фарид Мондрагон Японияга қарши ўйинда майдонга тушган куни шундай ёшди эди. Бу орқали ЖЧларида ўйнаган энг қария футболчига айланди.
37 км/соат –Голландия терма жамоаси ҳужумчиси Арьен Роббен шундай тезликда Испания терма жамоаси томон югурди ва ушбу ҳужумни гол билан якунлади. Бу ЖЧларининг рекорд тезлиги ҳисобланади.
23 – Голландия терма жамоаси бош мураббийи Луи ван Гал мусобақа давомида барча 23 нафар футболчидан фойдаланган биринчи мураббийга айланди.
16 – АҚШ терма жамоаси дарвозабони Тим Ховард Бельгияга қарши ўйинда шунча “сэйв” (тўпга ташланиш)ни амалга оширди. Бу дарвозабонларнинг Мундиалдаги рекорди ҳисобланади.
16 – Германия терма жамоаси ҳужумчиси Мирослав Клозе ЖЧларининг энг яхши тўпурарига айланди. У 4та Мундиал давомида урган голлари сони 16тага етди.
14 – Мусобақа ташкилотчилари ушбу мусобақа учун 14 миллиард доллар сарфлашди. Бу кўрсаткич ЖАР-2010га нисбатан 8 миллиард долларга кўп.
9 – Ўзбекистонлик рефери Равшан Эрматов ЖЧларида 9та ўйинни бошқарган дастлабки ҳакамга айланди. Бу ҳам Мундиал рекорди ҳисобланади.
9 – Уругвай терма жамоаси ҳужумчиси Луис Суарес италиялик ҳимоячи Жоржо Кьеллинининг елкасини тишлагани учун ФИФА томонидан терма жамоанинг 9та ўйинига дисквалификация қилинди. Бу ЖЧлари тарихидаги энг узоқ муддатли дисквалификация ҳисобланади.
8 – гуруҳ босқичининг саккиз ғолиб жамоаси чорак финалга чиқишди. Аввалги мусобақаларда бундай ҳолат кузатилмаганди.
5 – Италия дарвозабони Жанлуижи Буффон мексикалик Антонио Карбахаль ва германиялик Лотар Маттеус рекордини такрорлади. Ҳар учала футболчи 5та Мундиалда иштирок этишган.
4 – Мирослав Клозе ЖЧлари тарихида 4та медални қўлга киритган биринчи футболчига айланди. У ЖЧ-2002да кумуш, ЖЧ-2006 ва ЖЧ-2010да бронзага эга бўлганди. Бу сафар унинг кўксини олтин медаль безади.
4 – Мексикалик Рафаэль Маркес 4та ЖЧда ўз жамоасига сардорлик қилган дастлабки футболчига айланди.
3 – Гана терма жамоаси футболчилари 3 миллион доллар мукофот пули талаб қилишди ва шунча миқдордаги нақд пул мезбон давлатга олиб келинди.
3 – Аргентина ва Германия терма жамоалари ЖЧлари финалида учинчи марта тўқнаш келишди. Бундан ташқари Бразилия ва Италия терма жамоалари финалда ўзаро 2 марта тўқнаш келишган.
3 – Европа кетма-кет 3та ЖЧда чемпионликни қўлга киритган биринчи қитъага айланди. (2006 — Италия, 2010 – Испания).
1 – Германия терма жамоаси Америка қитъаси ўтказилган ЖЧда чемпионликни қўлга киритган дастлабки жамоага айланди.
Киритилди: 10:28, 17.07.2014. Ўқилди: 9766 марта. Фикрлар: 6 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
