Сайтимиз орқали аввал хабар берганимиздек, “Нефтчи” жамоаси 18 июлдан Тошкентда иккинчи йиғинга киришди. Шу куни футболчилар эрталаб, “Футбол-МЕД”да тиббий кўрикдан ўтди. Кечки пайт эса режага кўра, Чирчиқ шаҳрида Бекободнинг “Металлург” жамоаси билан синов-назорат учрашуви ўтказилди.
Баҳс ўртоқлик ўйини мақомини олгани учун жамоалар натижадан ҳам кўра, кўпроқ ўйин услубни янада мустаҳкамлашга эътибор қаратди. Учрашувда гарчи гол уриш учун ҳар икки жамоада ҳам имкониятлар юзага келган бўлса-да, ҳисоб очилмади.
Шу куни Мурод Исмоилов футболчиларни икки таркибга ажратган холда, барча ўйинчиларга имконият берди.
"Нефтчи" (биринчи бўлим): Ғайрат Ҳасанов, Руслан Мелзиддинов, Жаҳонгир Меҳмонов, Дилёрбек Ирматов, Сайдулло Раҳматов, Александру Оника, Иззат Ғаниев, Акмал Холматов, Андрей Акопянц, Отабек Зокиров, Носир Отақўзиев.
Иккинчи бўлим: Сардор Қобулжонов, Иқбол Бобохонов, Руслан Мелзиддинов (Жаҳонгир Меҳмонов), Абдуллоҳ Олимов, Вячеслав Пономарёв, Музаффар Музаффаров, Жавоҳир Расулов, Умид Қодиров, Шерзод Ҳакимов, Павел Смоляченко, Рўзимбой Аҳмедов.
“Металлург” (биринчи бўлим): Маъмур Икромов, Ҳикмат Ҳошимов, Дониёр Одилов, Александр Ковалев, Давронбек Каримқулов, Алишер Зиёвуддинов, Маъруф Муродов, Шуҳрат Йўлдошев, Суннатилла Мамадалиев, Муроджон Тошматов, Шаҳзодбек Нурматов.
Иккинчи бўлим: Суҳробжон Султонов, Саидкомил Акбаров, Жасур Аҳмедов, Дилмурод Каримов, Муроджон Тошматов (Мирғиёс Сулаймонов), Саид Абдужабборов, Нозимжон Эсонов, Алишер Зиёвуддинов, Шоҳназар Норбеков, Миртўра Акбаров, Зоҳид Абдуллаев.
Мазкур ўйинда мураббийлар штаби Муродбек Бобожоновга дам беришга қарор қилди. Чунки иқтидорли ҳужумчи жароҳатдан кейин аста-секин ўзини тиклаб бормоқда.
Таркибдаги ўзгаришларга тўхталадиган бўлсак, Тошкентдаги йиғиннинг илк кунида жамоага тажрибали футболчи Акмал Холматов келди. Ундан ташқари биринчи даврада “Қўқон-1912” ижарада ўйнаган ва ҳуқуқий жиҳатдан “Нефтчи”га тегишли бўлган иқтидорли ҳужумчи Умид Қодиров ҳам яна жамоамизга қайтди. Бундан ташқари яна бир нечта футболчилар йиғинга келиши кутилмоқда.
Эслатиб ўтамиз, бугун ҳам “Нефтчи” синов-назорат ўйинида майдонга тушади. Навбатдаги рақиб биринчи лига вакили “Қўқон-1912” жамоаси бўлади. Мазкур ўйин “Қизилтоғ”да ўтказилиши режалаштирилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
