Германия чемпионатининг нуфузи йилдан-йилга ошиб бормоқда. Шу ўринда Бундеслиганинг кучли чемпионатга айланишида бошқа миллат вакиллари, аниқроғи, Германиядаги легионерларнинг ҳам ҳиссаси катта эканлигини таъкидлаб ўтмоқчимиз. Хусусан, янги мавсумдан бошлаб “Бавария” сафида тўп сурадиган польшалик ҳужумчи Роберт Левандовски ўз ўйини билан Германия миллий чемпионатини безаши аниқ. Сезган бўлсангиз керак, бу сафарги қаҳрамонимиз Польша терма жамоаси ва “Бавария” клуби ҳужумчиси — Роберт Левандовски.
Левандовски спортчилар оиласида таваллуд топган. Отаси дзюдо билан профессионал тарзда шуғулланган ва шу спорт тури бўйича мамлакат чемпионига ҳам айланиб улгурган. Ҳужумчининг онаси ва опаси эса ҳаётини волейболсиз тасаввур қила олишмайди.
Шу йилнинг июн ойида Роберт Анна Стахурске билан оила қурди. Таъкидлаш керакки, Левандовскининг рафиқаси ҳам спортчи. Анна 2009 йилда ўтказилган карате бўйича жаҳон чемпионатида бронза медалини қўлга киритган. Шу ўринда қайд этиш керак, польшалик футболчи ҳазилкашлиги билан ажралиб туради. Жумладан, журналистлардан бири аёли ва оилавий муносабатлари ҳақида сўраганида, “Аннадан маслаҳат сўраб тураман, ахир сизнинг ҳам хотинингиз каратечи бўлса, қўрқасиз-ку” қабилида ҳазиломуз жавоб қайтарган экан.
Ўз мамлакатида Роберт Левандовскининг миллат қаҳрамони сифатида таърифлашади. Хусусан, Роберт мухлислар томонидан кўкка кўтарилиб, 1988 йилда миллий терма жамоа сафидаги фаолиятини якунлаган Збигнев Бонекка қиёсланади. Қолаверса, Польшадаги оммавий ахборот воситалари, хусусан, газета ва журналлар футболчининг сурати ёки фикрларидан мунтазам фойдаланиб келади.
Қаҳрамонимизнинг маҳоратига мухлислар заррача шубҳа қилишмайди, шу боис Робертга меҳрлари баланд. Ҳатто Польшада ўтган Европа биринчилигида мезбонларнинг муваффақиятсиз қатнашиши бош мураббийнинг тажрибасизлиги билан изоҳланди. Левандовскининг ўзи эса ўша мусобақада терма жамоа жисмоний жиҳатдан яхши тайёргарлик кўрмаганини, футболчилар ана шу сабабли ҳам тез чарчаб қолишганини таъкидлаб, омадсизликка айнан шу омил сабаб бўлганини айтиб ўтди.
Севимли фильми “Юздаги чандиқ” картинаси. Бу фильмда бош ролни Аль Пачино талқин этган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
