Шахмат бўйича Ўзбекистон эркаклар терма жамоаси Бутунжаҳон шахмат олимпиадасининг 10-турида кучли рақиб устидан муҳим ғалабани қўлга киритди. Қизларимиз эса яна мағлубият аламини тортишди.
Эркаклар
Қосимжонов бошчилигидаги терма жамоамизга турнирда 11-рақам остида тартибланган ва ушбу баҳс олдидан 11-ўринда бораётган Голландия (Ўзбекистон эса — 33) рақиблик қилди. Недерландияликлар мағлубият ёки дуранг ҳақида ўйлашмади, улар партияларнинг охирига қадар ғалаба учун дона суришди. Аммо бизнинг шахматчилар ҳам асло бўш келишмади. Барча партиялар давомида бирорта шахматчи яққол устунликка эга бўлмади. Ўйинлар тенг суръат остида кечди. Рустам Қосимжонов ва Антон Филиппов рақиблари билан дурангга имзо чекишди. Марат Жумаев эса қора доналарда ўйнаб, баҳс давомида қийин аҳволда бўлишига қарамай, мураккаб ҳолатдан чиқиб кетди ва ўйинни дуранг билан якунлади.
Жаҳонгир Воҳидов чиройли ўйин олиб борди. Ҳар иккала шахматчи ҳужумкор тактика танлашди. Комбинацияларни тўғри танлай олган ҳамюртимиз ўйин сўнгида моддий устунликка эга бўлди. Рақиб пиёдаси фарзинга чиқиш арафасида Воҳидов руҳ билан голландиялик рақибини мот қилди. Якуний ҳисоб - 2,5-1,5.
Ушбу ғалабадан кейин терма жамоамиз 15 очко билан 7-ўринга кўтарилиб олди. Сўнгги турда Ўзбекистон терма жамоаси Ҳиндистонга қарши дона суради. Ҳиндлар турнирда 19-рақам остида сараланишган ва ҳозирда 8-ўринни банд этиб туришибди. Терма жамоамиз Ҳиндистон устидан ғалаба қозонадиган бўлса, мусобақани совринли ўринларда якунлаш имконияти ҳам йўқ эмас. Вакилларимиз 1 ва 2-ўринни эгаллаб турган Хитой ва Венгриядан атиги 2 ва 1 очко ортда қолишмоқда. 8та терма жамоа ҳисобида эса бир хил - 15тадан очко мавжуд.
Аёллар
Ўзбекистон терма жамоаси 10-турда Чехияга қарши баҳсда иштирок этди ва 1,5-2,5 ҳисобида имкониятни бой берди. Сарвиноз Қурбонбоева ва Моҳинур Қаҳрамонова имкониятни бой беришган бўлса, Ирина Геворгян эса рақибни мағлуб этди. Севара Боймуродова дуранг натижа қайд этди.
Ушбу мағлубиятдан кейин терма жамоамиз 33-ўринга тушиб кетишди. Қизларимиз сўнгги турда Туркияга қарши баҳс олиб боришади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
