Нанкин-2014. Сўнгги кун ҳамюртларимиз бокс ҳамда бадиий гимнастика бўйича финал баҳсларида қатнашадилар
27 август куни Хитойнинг Нанкин шаҳрида давом этаётган иккинчи ўсмирлар олимпиада ўйинларида сўнгги кун мусобақалари ўтказилади. Шу куни спортнинг 8 тури бўйича ҳал қилувчи финал баҳслари ўтказилади. Ўзбекистонлик спортчилар бокс ҳамда бадиий гимнастика бўйича бўлиб ўтадиган финал мусобақаларида иштирок этадилар.
Жумладан, бокс бўйича вазни 49 кг.гача бўлган спортчилар мусобақасида Ватанимиз шарафини ҳимоя қилаётган Сулаймон Латипов олтин медал учун озарбайжонлик Руфат Хусейнов билан баҳс юритса (Тошкент вақти билан соат 11:00да бошланади), яна бир боксчимиз Бектемир Мелиқўзиев (-69 кг) финалда Доминикан Республикаси вакили Хуан Солано билан куч синашади (Тошкент вақти билан соат 12:15да бошланади).
Эртага, шунингдек, мамлакатимиз бадиий гимнастикачилари шахсий ва жамоавий мусобақаларда бўлиб ўтадиган финал босқичида медаллар учун курашни давом эттирадилар.
Шахсий ҳисобда ўтказиладиган кўпкураш мусобақаларида Ватанимиз шарафини ҳимоя қилаётган Анора Давлятова дунёнинг саккиз нафар энг кучли спортчилари қаторида ўсмирлар олимпиада ўйинларининг совринли ўринлари учун кураш олиб боради. Финал босқичида, шунингдек, Россия, АҚШ, Беларус, Исроил, Руминия, Украина ва Молдова вакиллари ҳам ғолиблик учун кураш олиб борадилар (финал мусобақалари Тошкент вақти билан соат 10:30да бошланади).
Жамоавий баҳсларда эса Ўзбекистон терма жамоаси аъзолари (Рамазанова Сабрина, Тагаева Карина, Райманова Гўзал, Салех Ирина, Рустамова Комилабону) Россия, Болгария, Қозоғистон терма жамоалари билан финал босқичида медаллар учун кураш олиб борадилар. Жамовий ҳисобда финал баҳслари Тошкент вақти билан соат 16:00да бошланади.
Барча спортчиларимизга бўлажак мусобақаларда омад ва зафарлар тилаб қоламиз.
Эслатиб ўтамиз, бугунга қадар бўлиб ўтган мусобақаларнинг якунларига кўра Ўзбекистон вакиллари 3 та олтин, 2 та кумуш ва 3 та бронза медалларини қўлга киритишган.
Қуйида, ўсмирлар олимпиада ўйинларида айни пайтга қадар совринли ўринларни эгаллаган спортчиларимиз берилган:
Олтин – Илхом Баҳромов (юнон-рум кураши)
Олтин - Суҳроб Турсунов (дзюдо, жамоавий)
Олтин - Владимир Свечников (ўқ отиш, микст)
Кумуш - Умида Абдуллаева (таэквондо)
Кумуш - Фарҳодбек Собиров (оғир атлетика)
Бронза - Суҳроб Турсунов (дзюдо)
Бронза - Адҳамжон Эргашев (оғир атлетика)
Бронза - Тимур Қодиров (спорт гимнастикаси)
Манба: www.olympic.uz
Киритилди: 20:04, 26.08.2014. Ўқилди: 5724 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
