Шахмат. Нафиса Мўминова FIDE Гран-присида яна ютқазди
БААда ўтказилаётган FIDE Гран-присида 8 тур ўйинлари бўлиб ўтди. Ушбу турда ҳамюртимиз Нафиса Мўминова арманистонлик Элина Даниелян билан баҳс юритиб, имкониятни бой берди.
Шу кунга қадар бўлиб ўтган 8 тур ўйинларининг якунларига кўра 6,5 тадан очко жамғарган хитойлик гроссмейстерлар Хоу Ифань ва Цзюй Вэньцзюн пешқадамлик қилишмоқда. Нафиса Мўминова ҳисобида ҳозирча икки очко мавжуд ва ҳамюртимиз ушбу босқичда иштирок этаётган 12 нафар гроссмейстер орасида 10-ўринни эгаллаб турибди.
4 сентябрь куни ўтказиладиган 9-турда Нафиса оқ доналарда мўғилистонлик Батчимег Тувшинтугс билан баҳс юритади.
Олтинчи босқич ўйинлари 11 турдан иборат бўлиб, 6-сентябрь куни якунига етади.
Манба: www.olympic.uz
Киритилди: 12:43, 03.09.2014. Ўқилди: 3158 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар