Теннис. Сенсация. Япониялик Кей Нисикори US open финалига чиқди!
Кеча "US open"да ярим финал ўйинлари бўлиб ўтди. Дунёнинг биринчи ракеткаси Новак Жововия япониялик Кей Нисикори билан кортга чиққан бўлса, Рожер Федерер хорватиялик Марин Чилич билан баҳс олиб борди.
Япониялик Нисикори шундоқ ҳам ярим финалга чиқиб, сенсация соҳибига айланиб бўлганди. Мусобақа бошланишидан бироз аввал Кей оёғини операция қилдирганди. Унинг US open мусобақасидаги иштироки катта сўроқ остида турганди. У Нью-Йоркдаги мусобақадан чиқиб кетиши муклинлиги ҳақида ҳам айтганди. Турнирда қатнашишга муваффақ бўлган Нисикори дастлабки 3та ўйинда тўла куч билан иштирок эта олмади, аммо бу матчлар орқали япон ракеткаси ўз формасини тиклаб борди ва нимчорак ва чорак финалда Милош Раонич ва Стэн Вавринкани мағлуб этди.
Жоковичга қарши баҳсни Кей ишонч билан бошлади. У номдор рақибига қарши тезроқ ва тажовузкорроқ ўйнади. Еттинчи геймда у брейкка эришди ва сетни ўз фойдасига ҳал қилди. Иккинчи сетда эса Новак ўз устунлигини тўла намойиш қилди - 6:1.
Ўйиннинг қолган қисми Жокович ташаббуси остида ўтиши кутилганди, бироқ Нисикори ўзида куч топди ва рақиб билан тенгма-тенг кураша бошлади. Учинчи сет эса тай-бреккача давом этди. "Лоторея"нинг дастлабки 4та очкосини Новак рақибга бериб қўйди ва яна ҳисобни қисқартирди. Ҳисоб 4:5 бўлиб турганида япониялик теннисчи 2та очкони қўлга киритди ва сетни ўз фойдасига ҳал қилди.
Ушбу ҳолат ҳал қилувчи аҳамиятга эга бўлди. Тўртинчи сетнинг биринчи геймида ўзининг тўп оширишида Новак очкони рақибга бериб қўйди. Нисикори мазкур устунликни бериб қўймаслик учун тиш тирноғи билан курашди. Айниқса, у бир неча сейв узатмаларини амалга оширди. Якуний сет - 6:3 ва жаҳоннинг биринчи рақамли теннисчиси ўз уйига йўл оладиган бўлди. АҚШ очиқ чемпионати финалида эса илк марта осиёлик теннисчи баҳс олиб борадиган бўлди.
Кей Нисикори финалда Марин Чилич билан баҳс олиб боради. Хорватиялик теннисчи Федерерни 3та сетда мағлуб этди. Рожер чорак финалда Гаель Монфис 5 сетли баҳсда иштирок этгани учун бўлса керак жисмоний жиҳатдан рақибга ютқазди. Чилич эса ўзининг деярли бехато ўйини билан номдор рақибни таслим этди. 6:3, 6:4, 6:4.
Киритилди: 08:34, 07.09.2014. Ўқилди: 4139 марта. Фикрлар: 11 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
