Бугун ҳамюртимиз Оксана Чусовитина Инчеондаги Осиё ўйинларида терма жамоамиз ҳисобига навбатдаги кумуш медални келтирганидан хабарингиз бор. 39 ёшли спортчимизнинг муваффақиятидан Жанубий Кореянинг спорт жамоатчилиги ҳайратини яшира олмаяпти.
Турли спорт нашрларида Оксананинг суратига қўйилаётган тагсўзлардан ҳам буни пайқаш мумкин. Хусусан, «Hankook Ilbo» газетасининг интернет нашри Оксана Чусовитинани «Гимнастика афсонаси», дея кўкларга кўтарган. «Hankook Ilbo» бугунги мусобақани ёритаркан: «Оксана Чусовитина! Бу йил 40 ёшни қаршилайдиган (корейсларда инсон ёши туғилганидан бошлаб ҳисобланади, яъни, туғилиши билан 1ёш дейилади) ўзбекистонлик «гимнастика афсонаси» фаолиятига якун ясаш масаласини бир четга суриб қўйиб, Инчеонда порлади. Биздаги маълумотларга кўра, у 2012 йилги Олимпиададан сўнг спортдаги фаолиятига якун ясаган эди. Фаолияти давомида СССР, МДҲ, Ўзбекистон ва Германия терма жамоалари сафида 6 марта Олимпиада ва 10 марта Жаҳон чемпионатларида қатнашган ушбу спортчи бу галги Осиё ўйинларига ўзбеклар сафида келди. У бу сафар бор-йўғи таянчга таяниб сакраш қисмидагина қатнашди», деб ёзади ва давом этаркан, Оксананинг бугунги мусобақа якунидаги фикрларини келтиради:
«Бироз жароҳатим бор ва унинг битишини интиқлик билан кутяпман. Гимнастиканинг 6 турида қатнашиш режам бор эди. Аммо бир неча кун олдин олган жароҳатим сабаб имконим чекланди. Тезда тузалиб, кейинги ойда бошланадиган Жаҳон чемпионатида қатнашиш истагидаман», - дейди Оксана.
Журналистнинг спортдаги фаолиятини якунлаганлиги ҳақидаги миш-мишларга оид саволига ҳамюртимиз шундай жавоб қайтарган: «Мен ҳеч қачон ва ҳеч қаерда фаолиятимни тугатиш ҳақида айтмаганман. Бу нотўғри хабар. Бу хабар нотўғрилигига исбот - мен мана Инчеондаман. Шунчаки бироз дам олдим ва машғулотларга киришдим. Неча ёшгача қатнаша оларканман - бу ҳам мен учун қизиқ».
Кореянинг бошқа бир ахборот манбаси ҳисобланган «Yonhap News» эса Оксананинг бугунги муваффақиятини «буюк натижа», деб атаган. «OSEN» нашри эса Оксанани «қаримайдиган афсона», деб атади. Яна бир спорт нашри ҳисобланган «MK Sports» эса ҳамюртимизга ўз саҳифаси орқали «ёши тескарига қараб айланаётган буюк спортчи», деб юқори баҳо берган.
Отабек Йўлдошев
Жанубий Корея, Сеул
Матнда хатолик топсангиз, ўша хатони белгилаб, бизга жўнатинг (Ctrl + Enter).
Хоразм
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
