Осиё Ўйинларида бугун тонгдан бир қанча мусобақалар бошланди ва давом этмоқда. Натижалар билан таништиришни бошлаймиз.
Ўнкурашда иштирок этаётган эркаклар яна 3та йўналиш бўйича баҳсларни якунлашди. Эслатиб ўтамиз, кеча бўлиб ўтган 5та машқдан кейин Андреев барчани ортда қолдираётган эди. У асосий рақобатчи Акихиро Накамурадан 92 баллга илгарилаб кетаётганди.
110 метрга тўсиқлар оша югуриш
Ушбу машқда айнан Накамура 1-ўринни эгаллади. У маррага 14,33 сонияда етиб келди ва 932 баллни қўлга киритди. Марат Ҳайдаров бу йўналишда бешинчи (14,73 с, 882 балл), Леонид Андреев эса олтинчи (14,95 с, 856 балл) бўлди. Натижада япониялик атлет умумий ҳисобда Андреевга анча яқинлашиб олди (16 балл қолди).
Диск улоқтириш
Ушбу машқда эронлик Сепеҳрзод (50,88м, 889 балл), қозоғистонлик Карпов (49,55м, 861 балл) ва япониялик бошқа спортчи Уширо (48,98м, 849 балл) қолганларга ўрнак бўлишди. Андреев эса дискни 43,85 метр масофага улоқтириб, атлетлар орасида тўртинчи бўлди. Унга 743 балл берилди. Умумий ҳисобда ҳамюртимизга жуда ҳам яқинлашиб қолган Накамура жуда паст натижа қайд этди (34,75м, 559 балл) ва яна Леониддан анча (200 балл) ортда қолиб кетди. Аксинча, япониялик бошқа спортчи Уширо ва қозоғистонлик Карпов жуда яқинлашишди (фарқ - 72 ва 62 балл). Марат Ҳайдаровнинг бу йўналишда натижаси — 35,72 м, 578 балл.
Лангарчўп билан сакраш
Ушбу секторда Леонид Андреевга тенг келадигани топилмади. У 5 метр баландликдан ошиб ўтди ва 910 баллни ўз ҳисобига ёзиб қўйди. Рақобатчилар — Уширо (4,70м, 819 балл), Карпов (4,60м, 790 балл), Накамура (4,50м, 760 балл) натижа кўрсатишди. Марат Ҳайдаров эса 4,10 метр баландликдан сакраб ўтди.
Саккизта йўналишдан кейин Леонид Андреев ҳисобидаги очколар 6724 баллга етди. Акихико Накамура ҳаюртимиздан 350 баллга ортда қолди ва деярли унга рақобатчиликдан четга чиқди. Энди Кейсуке Уширо пешқадамдан 153, Дмитрий Карпов эса 194 балл ортда қолишмоқда. Қатарлик спортчининг кетидан филиппинлик ҳам мусобақадан чиқиб кетди. Қолган саккиз нафар спортчи орасида Ҳайдаров сўнгги ўринни эгаллаб турибди.
Кечки дастурда спортчилар найза улоқтириш (14:30) ва 1500 метрга югуриш (17:25) йўналишларида баҳслашадилар ва медаллар тақдирини ҳал қилишади.
Саккизта баҳсдан кейин умумий натижалар
1. Леонид Андреев (Ўзбекистон) — 6724 балл
2. Кейсуке Уширо (Япония) — 6571 балл
3. Дмитрий Карпов (Қозоғистон) — 6530 балл
4. Ҳоди Сепеҳрзод (Эрон) — 6389 балл
5. Акихико Накамура (Япония) — 6374 балл
6. Чи Гуо (Хитой) — 6280 балл
7. Санг Ва Бэ (Жанубий Корея) — 6027 балл
8. Марат Ҳайдаров (Ўзбекистон) — 5930 балл
--. Жессон Рамил Сид (Филиппин) — мусобақадан чиқиб кетди
--. Моҳд Аҳмад ал-Маънай (Қатар) — мусобақадан чиқиб кетди
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
