Ҳар душанба куни “Спорт” телеканали орқали эфирга узатиладиган “Футбол шарҳи” кўрсатувчи бошловчиси ва муаллифи Зафар Имомхўжаевнинг шу ҳафтадаги кўрсатувда иштирок этмагани футбол ишқибозлари, журналистлар орасида ҳам турли қизиқишларга сабаб бўлди. Ушбу масалага ҳамкасбимиз Норбек Ниёзов аниқ киритиб, Sports.uz сайтида шундай ёзади:
Бугун эрталаб ишга келсам, қўнғироқ бўляпти. Аброр Имомхўжаев. Саломлашгандан сўнг Аброр ака мақсадга кўчди.
- Норбек, яхшимисан. Зафар ҳақида сайтингда ҳар хил хабар чиқибди...
- Аброр ака, бундан хабарим йўқ. Қайси сайт экан?
- Арена.уз.
- Бу сайт билан менинг алоқам йўқ. Фақат, “Машъал” радиосидаги “Арена” билан адаш холос.
- Тушунарли, Зафар ҳозир касалхонада. Шундай вазиятда нотўғри хабарни тарқатиб юборишибди.
Ушбу қисқа суҳбатдан сўнг ўша хабарни ўқидим. Ёш ҳамкасбларимизнинг бу “асари” шошмашошарлик маҳсули эканлиги ойдинлашди. Ҳол-аҳвол сўраб Ахбор Имомхўжаев (Зафарнинг отаси) билан боғландим. Сўнгра, Зафар ака билан ҳам суҳбатлашдим.
– Якшанба куни “Футбол-шарҳи” режиссёри Жамолиддин Суяров билан маслаҳатлашиб Ўзбекистон кубогини ютган “Локомотив” клуби бош мураббийи ва спорт директорини кўрсатувга таклиф қилгандик. Иситмам 39 га чиқиб кетди, ўзимни ёмон ҳис қилиб касалхонага келсам, олиб қолишди. Кўрсатув эса, ҳар йилгидек, мавсум якунланиши муносабати билан бир ой таътилга чиқиши керак эди. Бу кўрсатувда ўзим чиқа олмаганим боис Даврон Файзиевга бу вазифани топширдик. Насиб қилса, декабрь ойининг сўнгги ўнкунлигидан кўрсатув яна эфирга узатилади, – дейди Зафар Имомхўжаев.
Биз билан суҳбатда касалхонада дард билан олишиб ётган ҳамкасбимиз ўзи ҳақидаги нотўғри хабарлардан бироз ранжиганини айтиб ўтди.
– Сен бу ерда касаллик билан курашиб ётсанг-у, сен ҳақингда нотўғри хабарни тарқатишса! Бу на журналистик этикага, на одамгарчиликка тўғри келади. Ёш журналистларимиз кўпаяётганидан биз хурсанд бўламиз, лекин, бу ишлари яхши эмас, – деган фикрни билдирди суҳбатдошимиз.
Алалхусус, ҳамкасбимизга Яратгандан шифо тилаб суҳбатни мухтасар қилдик. Ёш журналистларга эса, хабарнинг оммага етказишда аввало, холислик, ҳаққонийлик, қолаверса, ҳамкасблик ва инсонийлик призмаларидан ўтказиш кераклигини тилаб қолган бўлардик.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
