«Ювентус» бош мураббийи Массимилиано Аллегри Италия А-сериясининг 12-тури доирасида «Лацио»га қарши ўйин (3:0) борасида ўз фикрларини билдириб ўтди.
«Погба ажойиб ўйин ўтказди. У янада яхшироқ ўйнаши ва дунёнинг энг кучли ярим ҳимоячисига айланиши мумкин. У ҳужумда ҳам, ҳимояда ҳам аъло даражада ўйнади. Бу унинг мавсумдаги энг яхши ўйини бўлди.
Умуман олганда, жамоа яхши ўйнади. Керак бўлганда ҳимояландик, олдинда эса яхши комбинациялар амалга ошди. Қанчалик кўп ҳужумда ўйнаб, тўпни ўз жарима майдончамиздан олисда ушлаб турсак, ҳимоячиларга шунча осон бўлади. Перейра? Ўйлайманки, у ўз ўйинини кучайтиряпти, лекин у гол уриши ва вазиятлардан фойдаланиш кўрсаткичини яхшилаши лозим.
"Рома" ғалаба қозонганини билганимиздан кейин кучли рақиб майдонида ғалаба қозонишимиз шарт эди.
Пирло 10 кун давомида машғулотларда иштирок этмади, аммо зўр ўйнади. Ихтиёрингизда мана шундай ҳимоя ва ҳужум чизиғини боғлаб турадиган футболчи бўлса, ишингиз анча осон бўлади», – дейди Аллегри.
Матнда хатолик топсангиз, ўша хатони белгилаб, бизга жўнатинг (Ctrl + Enter).