Хабарингиз бор, Испания чемпионати 12-турида “Севилья”га қарши учрашувда (5:1) хет-трик муаллифи бўлган “Барселона” етакчиси Лионель Месси афсонавий “Атлетик” ҳужумчиси Тельмо Сарранинг қарийб 60 йил сақланиб келган рекордини янгилаб, Испания чемпионати тарихида энг кўп гол киритган футболчига айланди. Аргентиналик футболчининг эришган янги рекорди бутун дунёда ва айниқса футбол оламида асосий муҳокама мавзуси бўлиб турибди.
Қизиғи шундаки, бундан буёғига Мессининг ҳар бир киритадиган голи рекорд сифатида қайд этилади. 10 йил давомида Ла Лиганинг 289 ўйинида майдонга тушган Лео Месси 253 маротаба рақиблар дарвозасини ишғол қилишга муваффақ бўлган. Бу эса, ҳар бир учрашувда сал кам битта гол демакдир.
“Барселона” афсонасига айланиб улгурган Мессининг клубдаги биринчи голини эслайсизми? Бундан 10 йил муқаддам 17 яшар Месси “Барселона”да ўз дебютини ўтказади. 2004/2005 мавсумда 7 учрашувда иштирок этган ҳужумчи 1 та гол билан мавсумни якунлайди. Ана шу голни Сизнинг эътиборингизга ҳавола этамиз.
Шундан сўнг, Мессининг фаолиятида юксалиш бошланади. Ҳужумчи аввал заҳирадан майдонга тушади, кейин эса асосий таркибдан жой эгаллайди. Қўйида Мессининг Примерода ўтказган мавсумлари, иштирок этган учрашувлар сони ва мавсум давомида киритган голлари таҳлилини кўришингиз мумкин.
Гувоҳи бўлиб турганингиздек, Месси 253 та голдан 205 тасини чап оёқда, 39 тасини ўнг ёқда киритган. Бўйи паст (169 см) бўлишига қарамай, аргентиналик футболчи 9 та тўпни боши билан дарвоза томон аниқ йўллаган.
Месси энг кўп ранжитган жамоа, кўпчилик ўйлагандек “Реал Мадрид” эмас, “Севилья” экан. Примеродаги фаолияти давомида аргентиналик ҳужумчи 18 маротаба “Севилья” дарвозасини ишғол қилган. “Реал” эса Мессининг ўзидан 14 та гол қабул қилган.
Тўпурарлик борасида Лео Мессига тенг келадигани йўқ, десак адашмаймиз. ЕЧЛда аргентиналик ҳужумчи 71 та гол киритиб, пешқадамликни ўзиники қилиб олган. “Барселона“ тарихида ҳам Месси жами 368 та гол киритиб, клуб рекордини ўрнатган. Ҳатто “Эль-Классико” тўқнашувларида ҳам саҳифамиз қаҳрамони энг кўп гол киритган футболчи бўлиб турибди. Ҳақиқий афсона, шундай эмас-ми?
Аммо, ушбу натижалар билан Месси ўз фаолиятини ҳотиржам давом эттира олмаслиги аниқ. Чунки унинг азалий рақиби Роналду уни ортидан қувиб келмоқда. Ла Лигада 5 йил тўп сурган португалиялик футболчи 197 гол киритишга улгурган. ЕЧЛ баҳсларида ҳам Мессининг асосий таъқибчиси Роналду (107 учрашувда 70 та гол) бўлиб турибди.
Бугун, 25 ноябрдан 26 ноябрга ўтар кечаси “Барселона” сафарда “АПОЭЛ” меҳмони бўлади ва Месси ана шу ўйинда голлар сонини оширишга ҳаракат қилади. Биз эса аргентиналик футболчига бевосита улкан зафарлар тилаймиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Андижон
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
