Voha.uz сайти ижодкорларидан бири Азамат Умаров “Тракторсозий” мухлисларининг “Насаф” ҳақидаги фикрларини билишга уриниб кўрган. Қуйида ушбу кичик мақолани ўқиб чиқишингиз мумкин.
ОЧЛ ўйинларига яқинлашганимиз сари барча жамоалар рақибларни ўрганишни бошлаб юборишди.
Аммо фақат жамоаларгина эмас, балки жамоанинг мухлислари ҳам рақиблар ҳақида маълумотлар тўплашга бел боғлашган. Бу ёқда биз, Эронда эса қардошларимиз (Табриз шаҳри аҳолисининг каттагина қисми туркий тилда гаплашишади, яъни озарбайжон миллатидир) бизнинг “Насаф” ҳақида маълумот тўплашмоқда.
Бугун жамоа мухлисларининг “Фейсбук” ижтимоий тармоғидаги саҳифасида “Насаф” логотипига кўзим тушди, аммо форс ёзувида ёзилганлиги учун тушунолмадим ва табризлик дўстимдан ўша постни инглиз тилига таржима қилиб беришини сўрадим. Оз муддат ичида таржима қилиб менга жўнатди. Ўқиб анчагина хурсанд бўлдим. Чунки ўша мақолада Қарши шаҳри ва “Насаф” жамоаси ҳақида ёқимли сўзлар ёзилган экан.
Аввалига табрезликларга Қарши шаҳри таништирилган, кейинчалик эса “Насаф” ҳақида батафсил ёзишибди, шунчалик меҳр билан ёзилганки ўқисангиз уни “Насаф”нинг ашаддий мухлиси ёзган деб ўйлайсиз. Мақолада жамоамизнинг 2012-2014 йиллар оралиғида эришган ютуқлари, ўйинлари ҳақида батафсил маълумот берилган.
Шунингдек, “Насаф” таркиби билан ҳам обдон танишиб чиқишгани кўриниб турибди. Айниқса Артур Геворкян ва Элдорбек Суюновга ( бу икковлондан рақиб мақтовларидан “эриб” кетмасликларини сўраймиз) алоҳида тўхталиб ўтишибди.
Бу футболчиларимизнинг савияси ва ўйинни кўра билиш қобилияти ҳақида роса кўп гапирилибди (бунча гапни қаердан олишган ҳайронман, ахир Олий Лига ўйинларини ўзимизникилар кўра олишмайди-ку, эронликлар қандай кўришди экан?).
Мақоланинг охирида қуйидаги жумлага қузим тушди:
Жамоанинг лақаби “Аждарлар” экан, лекин шуни биламизки, “Аждарлар” аллақачон қирилиб кетишган бўрилар эса ҳали ҳам ҳаёт, улар ҳали ҳам ўрмонни ларзага келтиришмоқда
Майли деймиз, кўнамиз, негаки уларнинг бўрилари ўрмонни ларзага келтириб юраверишсин, биз эса уларга яшил майдонда ҳақиқий тирик “аждар”ни кўрсатамиз, кейин ҳеч қачон бу кунларни унутишмайди…
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
